საერთაშორისო დასახელება:

COLECALCIFEROL

მწარმოებელი: DOMS ADRIAN, საფრანგეთი

კლინიკურ-ფარმაკოლოგიური ჯგუფი:

ვიტამინური პრეპარატი.

შემადგენლობა და გამოშვების ფორმა:

საინექციო ხსნარი: ამპულაში 1 მლ

1 ამპ.

ქოლეკალციფეროლი ..............       200 000 სე (5 მგ)

დამხმარე ნივთიერებები:

ნეიტრალიზებული და სტერილიზებული ზეითუნის ზეთი.

ფარმაკოლოგიური თვისებები:

პრეპარატი ზრდის ნაწლავებში კალციუმის აბსორბციას, უზრუნველყოფს მინერალიზაციის პროცესების ნორმალიზებას ძვლოვან ქსოვილში.

ფარმაკოკინეტიკა:

ქოლეკალციფეროლის აბსორბცია წარმოებს ნაწლავებში. პრეპარატი კუმულირდება ღვიძლში და გამოიყოფა ძირითადად ნაღველით.

ჩვენებები:

• პრეპარატი გამოიყენება რაქიტის, სპაზმოფილიის, ჰიპოკალციემიის, ოსტეომალაციის, ოსტეოპოროზის სამკურნალოდ.

მიღების წესი და დოზირება:

პრეპარატი ინიშნება პერორალურად და კუნთებში ინექციისი სახით.

ბავშვებში რაქიტის პროფილაქტიკისათვის პრეპარატი ინიშნება დოზით 200000 სე (1 ამპ). ექვს თვეში ერთხელ (5 წლის ასაკამდე). იმ შემთხვევაში თუ ბავშვი იშვიაითად იღებს მზის სხივებს ან კანზე გააჩნია ჭარბი პიგმენტაცია, პრეპარატის ერთჯერად დოზას ზრდიან 400000 სე, იგი შეჰყავთ აგრეთვე ექვს თვეში ერთხელ. რაქიტის მკურნალობის მიზნით პრეპარატი შეყავთ დოზით 200 000 სე (1 ამპ.) 2 კვირის განმავლობაში დღეში ერთხელ.

სპაზმოფილიისა და ჰიპოკალციემიის სამკურნალოდ პრეპარატი გამოიყენება დოზით 200 000 სე (1 ამპ.) კალციუმის პრეპარატებთან კომბინაციაში 2 კვირის განმავლობაში დღეში ერთხელ.

ოსტეომალაციისა და ოსტეოპოროზის სამკურნალოდ პრეპარატი ინიშნება 200 000 სე (1 ამპ.) ყოველ 15 დღეში ერთხელ 3 თვის განმავლობაში.

გვერდითი მოვლენები:

რეკომენდებული დოზით პრეპარატის მიღების და მისი წინააღმდეგჩვენების გათვალისწინებით, ამ უკანასკნელის გვერდითი მოვლენები არ არის გამოვლენილი.

უკუჩვენებები:

*პრეპარატის მიღება წინააღმდეგნაჩვენებია ჰიპერკალციემიის, ჰიპერკალციურიის, შარდ-კენჭოვანი დაავადების დროს (რომლის კონკრემენტების შემადგენლობაში შედის კალციუმი), აგრეთვე

*პრეპარატის მიღება არ არის რეკომენდებული ვიტამინ D₃-ის მიმართ მომატებული მგრძნობელობისას.

განსაკუთრებული მითითებები:

პრეპარატის პერორალურად მიღების წინ საჭიროა ამპულა დავიჭიროთ ვერტიკალურ მდგომარეობაში და ფრთხილად მოვატეხოთ ზედა ნაწილი, მეორე მხარესაც ვიმეორებთ იგივე მოქმედებას და გადმოვღვრით შიგთავსს.

კუნთებში შესაყვანად ვიყენებთ მინის შპრიცს.

პაციენტებში, ხანგრძლივი იმობილიზაციის დროს პრეპარატის მაღალი დოზის მიღება არის რეკომენდებული.

ჭარბი დოზირება:

სიმპტომები: ანორექცია, პოლიურია, ყაბზობა, არტერიული წნევის დაქვეითება, ჰიპერკალციემია, ჰიპერკალციურია, თირკმელების ფუნქციის დარღვევა.

მკურნალობა: პაციენტმა საჭიროა დაიცვას დიეტა, ამისათვის საკვების შემადგენლობაში არ უნდა შედიოდეს კალციუმი, დიდი რაოდენობით სითხე და ელექტროლიტები.

სხვა წამლებთან ურთიერთქმედება:

პრეპარატის სხვა სამკურნალო საშუალებებთან ურთიერთქმედების შესახებ მონაცემები არ არსებობს.

შენახვის პირობები:

პრეპარატი ინახება ბავშვებისა და სინათლისაგან დაცულ ადგილას.

ვარგისიანობის ვადა: 2 წელი.