შავი პილპილი სიმსუქნის წინააღმდეგ და შაქრის დონის დასაქვეითებლად
მეცნიერების (შრი ვენკატესვარას უნივერსიტეტიდან) მიერ ვირთაგვებზე ჩატარებული ექსპერიმენტები.
პიპერონალს მკვლევარები ცხოველებს 6 კვირის განმავლობაში აძლევდნენ, შედეგად ვირთაგვებს უქვეითდებოდათ სხეულის მასა, ცხიმოვანი ქსოვილის შემცველობა და შაქრის დონე სისხლში. გარდა ამისა, მათი ძვლები სიმტკიცეს იძენდა.
როგორც ირკვევა, ინდოელი მეცნიერები ცხოველებს 22 კვირის განმავლობაში კვებავდნენ ცხიმიანი საკვებით, ექსპერიმენტის მე-16 კვირიდან კი საკვებ რაციონში ამატებდნენ შავი პილპილიდან გამოყოფილ პიპერონალს. ექსპერიმენტის დასასრულ საცდელ ცხოველებს საკონტროლო ჯგუფის ვირთაგვებთან შედარებით ეზრდებოდათ კუნთოვანი მასა და მინერალების შემცველობა ძვლებში. გარდა ამისა, პიპერონალის მიღებიდან ერთ საათში სისხლში იკლებდა შაქრის დონე.
მეცნიერებმა ისიც დაადგინეს, რომ პიპერონალი არეგულირებს სიმსუქნესთან დაკავშირებული ზოგიერთი გენის აქტივობას.
თინათინ გოცაძე