”მკურნალის” რედაქცია

ბავშვებს უყვართ. ის ორგანიზმისთვის ძალიან სასარგებლოა, მდიდარია უნიკალური ნივთიერებებით, რის გამოც სამკურნალო თვისებებსაც ფლობს.

დიეტოლოგები გვირჩევენ სეზონზე რეგულარულად მივირთვათ მანდარინი, რადგან მასში ბევრია კაროტინი, ვიტამინი C და B6, მაგნიუმი, რკინა, კალიუმი, სპილენძი, ფოსფორი და სხვადასხვა მიკროელემენტი. ამასთან, 100 გრამი მანდარინი მხოლოდ 53 კალორიას შეიცავს.

მანდარინის 8 სასარგებლო თვისება:

1) აძლიერებს იმუნიტეტს და ორგანიზმს იცავს სიმსივნური პათოლოგიისგან - მანდარინში უხვად შემავალი C ვიტამინი და სხვა ანტიოქსიდანტები ხელს უშლის კანცეროგენულ ნივთიერებებს უჯრედთა დაზიანებასა და გადაგვარებაში, აძლიერებს იმუნურ სისტემას. მანდარინის წვენის მიღება ღვიძლის კიბოს საპროფილაქტიკო უნიკალური საშუალებაა;

2) წმენდს სისხლძარღვებს, აქვეითებს ქოლესტერინის დონეს - ეს იმ შემთხვევაში თუ მანდარინს თეთრი მემბრანებით (ხიდებ-გარსიანად) მიირთმევთ. ბევრი ამ ნაწილებისგან ათავისუფლებს (ასე ვთქვათ წმენდს) ლებნებს და ისე მიირთმევს წვნიან რბილობს, რაც არასწორია;

3) აქვეითებს გლუკოზის დონეს სისხლში – ამ თვისების გამო მანდარინის მოყვარულებს შაქრიანი დიაბეტი ტიპი 2-ის განვითარება არ ემუქრებათ;

4) აუმჯობესებს მხედველობას - მანდარინი მდიდარია A ვიტამინით, რომელიც ზრუნავს და იცავს მხედველობის ორგანოს;

5) აუმჯობესებს სისხლის შედგენილობას – მანდარინში შემავალი რკინა და სხვადასხვა მიკროელემენტი ხელს უშლის ანემიისა და სისხლის პათოლოგიების განვითარებას;

6) ხელს უშლის სიმსუქნის განვითარებას – ამ ციტრუსის ცალკეული კომპონენტები ხელს უშლის ქოლესტრენისა და გლუკოზის შეწოვას სისხლძარღვთა კედლებიდან, შესაბამისად, აფერხებს ჭარბი წონის განვითარებას;

7) ამშვიდებს ნერვებს - მაგნიუმი და B6 ვიტამინი ნერვული სისტემის ფუნქციურ სტაბილურობას უზრუნველყოფს, მანდარინის მოყვარულებს, მიუხედავად სტრესებისა, “მშვიდი და გაწონასწორებული“ ნერვები აქვთ;

8) განამტკიცებს ძვლებსა და კბილებს.

თინათინ გოცაძე