ე.წ. სწორმა კვებამ შეიძლება ჯანმრთელობის პრობლემები გამოიწვიოს
კვების ექსპერტ პატრიკ დენუს მიაჩნია, რომ ვეგეტარიანულმა დიეტამ შეიძლება B12 ვიტამინის დეფიციტი გამოიწვიოს, რასაც ჯანმრთელობასთან დაკავშირებული პრობლემები მოჰყვება. ამ ვიტამინის ნაკლებობა იწვევს მხედველობის დაქვეითებას, სისუსტეს, დაღლილობას, დეპრესიასა და მეხსიერების გაუარესებას. B12 ვიტამინი ორგანიზმში არ გამომუშავდება. მას ადამიანი იღებს ცხოველური წარმოშობის პროდუქტებით, როგორიცაა ხორცი, კვერცხი, თევზი, რძის პროდუქტები.
მეორე შესაძლო გვერდითი ეფექტი ნერვული ორთორექსიაა. ეს არის კვებითი მოშლილობა, რომელსაც ახასიათებს სწორი კვების აკვიატებული სურვილი. ნერვული ორთორექსიის მქონე ადამიანები იგონებენ თავისთვის რაღაც წესებს, რომელთა დარღვევაც მათთვის შეუძლებელია. სპეციალისტებს მიაჩნიათ, რომ ასეთ ადამიანებს შეიძლება დაეხმაროს კოგნიტიურ-ქცევითი ფსიქოთერაპია.
ლალი ჩხივაძე