კვების სისტემა - ყოველდღიური და დიეტის ზონა
დიეტები, როგორც წესი, არის მზა, გაწერილი მენიუ დაზუსტებული პროდუქტებით, რაოდენობით, კალორაჟით და ბოლოს - გარანტირებული დაკლებული კილოგრამების მაჩვენებელი.
ამ დიეტებს ვერც გავაკრიტიკებთ და ვერც შევაქებთ, შესაძლებელია, ვიღაცისთვის მართლაც მოსახერხებელია დაზუსტებული მენიუ, მისი საშუალებით ადვილად აღწევს შედეგს, მაგრამ ბევრს, ცხოვრების წესისა თუ ხასიათის გამო, მათი შესრულება უჭირს.
მნიშვნელოვანია კვების რეჟიმი და დიეტა ცალ-ცალკე განვიხილოთ. რატომ არ ვიცავთ ხოლმე დაწერილ დიეტებს?
უპირველესად უალტერნატივო არჩევანის გამო.
1 კვერცხი - კი მაგრამ, რატომ 1 კვერცხი? იქნებ ამ დილით სულ არ ვართ კვერცხის ჭამის ხასიათზე ან, უბრალოდ, დაგვავიწყდა მისი შეძენა? კარგი, დილის თუ საღამოს კვება, ასე თუ ისე, შეგვიძლია სურვილისამებრ ვაკონტროლოთ, მაგრამ რა ვუყოთ შუადღისას საჭმელ ხაჭოს? ბევრი ამ დროს სამსახურშია, იკვებება თანამშრომლებთან ან საერთო მაგიდასთან, ან სასადილოში, კაფეში. ძალიან დამღლელია მუდმივი განმარტებები - იცით, მე დიეტაზე ვარ; დიეტის ხსენებაზე კი რჩევა-დარიგებების მიღება - რად გინდა ეს დიეტა? ან იცი, ჩემმა ნათესავმა, აი, ასე დაიკლო, ასე ჯობს და სხვა.
კვების რეჟიმი მაქსიმალურად უნდა იყოს მორგებული ცხოვრების რეჟიმს, რომ ნაკლები დისკომფორტი შექმნას და წინასწარ არ იყოს განწირული დასარღვევად.
რა თქმა უნდა, კარგია რომელიმე დიეტის დაცვით მიღებული შედეგი, მაგრამ ფაქტია, რომ ამ შედეგის შენარჩუნება ხშირად ძალიან ჭირს, რადგან დიეტის დასრულების შემდეგ ისევ იმავე ტიპის კვებას ვუბრუნდებით, რამაც წონის მატება გამოიწვია. შემდეგ ვიწყებთ მორიგ დიეტას და ა.შ. გარდა ამისა, დიეტა მხოლოდ წონის კლებაზეა გათვლილი, მაგრამ ჯანმრთელობის პრობლემები, შენელებული ნივთიერებათა ცვლა, არაჯანსაღი კვების ჩვევები უცვლელი რჩება.
გამოსავალი არა კონკრეტული დიეტა, არამედ სწორი კვებითი ჩვევების ჩამოყალიბებაა. სწორი კვების რეჟიმი წონის კლების პროცესში, ვარჯიშის პარალელურად, მის აუცილებელ კომპლექსურ ნაწილად მიიჩნევა.
ყოველდღიური კვების პრინციპები:
1. არჩევანი ჯანსაღ საკვებზე;
2. საკვების განაწილება ტიპისა და დროის მიხედვით;
3. ზომიერების გრძნობა.
მრავალთათვის საკვები, ასე ვთქვათ, საფეხურისებრი ფორმითაა დაყოფილი - არის ის, რასაც არასოდეს ვჭამთ და ნებისმიერ დროს ამოღებული გვაქვს კვებიდან, შემდეგ მოდის ის საკვები, რომელსაც მხოლოდ გამონაკლის შემთხვევაში ვჭამთ, შემდეგ მოდის შეზღუდული ტიპის საკვები “უკიდურესად მცირე რაოდენობით” და შედარებით ლიბერალური პუნქტი - “მცირე რაოდენობით”.
A კატეგორია: “აკრძალული” - პროდუქტები, რომლებიც შეიცავს უამრავ ვიტამინს - საღეჭი კანფეტები, ჩუპა-ჩუპსები, ჩიფსები, შეფუთული იმპორტირებული ტკბილეული;
B კატეგორია: “მხოლოდ გამონაკლის შემთხვევებში” - სოსისები, ძეხვეული, პელმენები, ნახევარფაბრიკატები, ფასტფუდი, მაიონეზი, კეტჩუპი, მარგარინი, ქარხნული ტკბილეული, ტკბილი გაზიანი სასმელები, საკონდიტრო ნაწარმი;
ჩ კატეგორია: “უკიდურესად მცირე რაოდენობით” - შაქარი;
D კატეგორია: “მცირე რაოდენობით” - პური, ცომეული, მსუბუქი სახის ნამცხვრები, შემწვარი პროდუქტები.
კატეგორიები პირობითაა დაყოფილი მავნე შემცველობის კონცენტრაციის და ჯანმრთელობისა და წონისათვის საფრთხის დონის მიხედვით:
A კატეგორია - შეიცავენ მაღალი კონცენტრაციით სხვადასხვა ტიპის E ვიტამინს, შაქარს, ცხიმებს, ტრანსცხიმებს, არანაირი კვებითი ღირებულება არ გააჩნიათ.
B კატეგორია - სავსეა უამრავი სახის არაჯანსაღი ფარული ცხიმებით, რომელიც არომატიზატორებით და გემოს შემცვლელებითაა გაჯერებული, შეიცავს შაქარს, ტრანსცხიმებს, გარდა ამისა, საეჭვოა მათი შემადგენლობის სიჯანსაღე.
ჩ კატეგორია - 100% შაქარი.
D კატეგორია - ნახშირწყლები, ცხიმები.
ეს ჩამონათვალი ასახავს ბევრი ადამიანის ჩვეული კვების ყოვედლღიურ სისტემას, ანუ არასდროს იკვებებიან იმ საკვებით, რომელთა შეფუთვაზე უამრავი ქიმიური დანამატია ჩამოთვლილი.
დიეტური ზონა
დიეტების დროს არჩევანი თავისუფალია, ოღონდ ჯანსაღ საკვებს შორის.
პირველი ეტაპი - A და B კატეგორია აკრძალულია და მაქსიმალურად იზღუდება ჩ და D კატეგორია. შემდეგ ეტაპზე აკრძალულია A, B, ჩ კატეგორია, მცირდება D. თანდათან ვიღებთ კვებიდან მსუბუქ ნამცხვრებს, შემდეგ ცომეულს, შემდეგ შემწვარს.
ეს დიეტური ზონა მოიცავს ამ ოთხივე კატეგორიის სრულ შეზღუდვას.
სხვა ყველაფერი დაშვებულია - ესაა კარტოფილი, მაკარონი, ბრინჯი მცირე რაოდენობით, ხილი და ბოსტნეული, ხორცი მოხარშული, ფაფები, წიწიბურა, ლობიო, კვერცხი, რძის პროდუქტები, ყველი. ჩვეულებრივი ოჯახის კერძები, სუპები, ოღონდ ნაკლებ ცხიმიანი და არ უნდა იყოს შემწვარი. თხილეული ზომიერად, თევზი, არაქარხნული წესით ანუ ხელით გამოწურული წვენები - ნატურალური, თუ ტკბილის გარეშე არ შეგიძლიათ, ფაფები შაქრის ნაცვლად ჩირით დაატკბეთ. სალათები, ოღონდ მაიონეზის ნაცვლად ზეთით შეზავებული.
საკვების განაწილება ტიპისა და დროის მიხედვით
ნ დილა - ნახშირწყლები;
ნ შუადღე - ცხიმები;
ნ საღამო - ცილები.
ნ 19-19.30 სთ-ის შემდეგ სასურველია აღარ ჭამოთ.
დიეტური ზონის პერიოდში უნდა შემცირდეს ცხიმების, განსაკუთრებით ცხოველურის მიღება. მკაცრად კონტროლდება ნახშირწყლების რაოდენობა, მიირთვით მხოლოდ დილის საათებში ხილის, ჩირის ან თაფლის სახით.
დაბოლოს, ყველაზე მთავარი - ზომიერების გრძნობა:
ნ არასოდეს ჭამოთ ძღომამდე!
ნ ისწავლეთ მსუბუქად ჭამა! დროულად გაერიდეთ სასადილო მაგიდას!
ნ ნუ დაიმშევით! ხანგრძლივი უჭმელობის დროს ჩართული საგანგებო სიგნალიზაციის სისტემა წონასწორობას გაკარგვინებთ და იწყებთ უკონტროლო ჭამას. ამიტომ, თუ იცით, რომ შეიძლება დაგაგვიანდეთ ჭამა, შეეცადეთ მცირე წახემსება მაინც მოასწროთ.
ნ ჭამეთ ნელა და პატარა ლუკმებით!
ნ გამოიმუშავეთ გონივრულად ჭამის უნარი!