თუმცა, გასტროენტეროლოგებისა და დიეტოლოგების კვლევები ცხადყოფს, რომ პრობლემის მოგვარება უმეტეს შემთხვევაში მარტივი, ბუნებრივი მეთოდებითაა შესაძლებელი.

კივი - ყაბზობის პრევენციის საუკეთესო პროდუქტი

მიჩიგანის უნივერსიტეტის (აშშ) მეცნიერების მიერ ჩატარებულმა კვლევამ აჩვენა, რომ კივი ყაბზობის პრევენციის ერთ-ერთი საუკეთესო საშუალებაა. ექსპერიმენტის მიხედვით, ის ბევრად უფრო ეფექტურად მოქმედებს, ვიდრე შავი ქლიავი ან ფსილიუმი (მრავალძარღვას ქერქი).

• ნაკლები დისკომფორტი: მართალია, სამივე პროდუქტი ზრდის ნაწლავების მოქმედების სიხშირეს, მაგრამ კივის მიმღები ადამიანები გაცილებით იშვიათად უჩივიან მუცლის შებერილობასა და დისკომფორტს.

• ბოჭკოს ორმაგი ძალა: კივი შეიცავს როგორც ხსნად, ისე უხსნად ბოჭკოს, რომელიც აკავებს წყალს, ზრდის განავლის მოცულობას და სტიმულს აძლევს ნაწლავის პერისტალტიკას.

• ფერმენტი აქტინიდინი: ეს უნიკალური კომპონენტი ეხმარება ორგანიზმს ცილების მონელებაში და აჩქარებს საკვების გადაადგილებას კუჭ-ნაწლავის ტრაქტში.

დიეტა და კვების წესები: რა მივირთვათ და რას მოვერიდოთ?

ექიმის დანიშნულების გარეშე საფაღარათო საშუალებების მიღებას, უმჯობესია რაციონი გადაახალისოთ. ნაწლავების მოქმედების ნორმალიზებისთვის აუცილებელია იმ პროდუქტების დროებით გამორიცხვა, რომლებიც მონელებას ანელებს.

• რას უნდა მოერიდოთ: მინიმუმამდე შეამცირეთ ცხიმით მდიდარი, რაფინირებული ნახშირწყლები და უბოჭკო საკვები. ასეთებია: ყველი, თეთრი ბრინჯი, პური, ალკოჰოლი, ჩიფსები, სწრაფი კვება, შემწვარი საკვები, შოკოლადი და მწვანე ბანანი.

• რა უნდა დაამატოთ: თქვენი დიეტის საფუძველი უნდა გახდეს: შავი ქლიავი, სელის თესლი, შვრიის ფაფა, ისპანახი, კივი, მსხალი და ტკბილი კარტოფილი.

როგორ ვასწავლოთ ნაწლავებს გრაფიკით მუშაობა?

გასტროენტეროლოგები დევიდ კაჰანა და საბინა ხაზანი აღნიშნავენ, რომ ნაწლავებს საკუთარი ცირკადული (ძილის რიტმების მსგავსი) გრაფიკი აქვთ. ამ რიტმის დარღვევა ყაბზობას იწვევს. დილის სწორი ჩვევებით ნაწლავებისთვის გრაფიკით მუშაობის სწავლება სავსებით შესაძლებელია:

• დილის ჰიდრატაცია და სიგნალი: გაღვიძებისთანავე ერთი ჭიქა წყლის დალევა აუცილებელია შეკრულობის პრევენციისთვის. საუზმეზე მიღებული ყავა კი ნაწლავებს „გამოღვიძების“ მძლავრ ბიოქიმიურ სიგნალს აძლევს.

• ბოჭკოთი მდიდარი საუზმე: დილით მეტი ბოჭკოვანის მიღება კუჭ-ნაწლავს დღის განმავლობაში შეუფერხებელი მუშაობისთვის ამზადებს.

• დილის ვარჯიში: ნებისმიერი ტიპის ფიზიკური აქტივობა ამცირებს საკვების ნაწლავებში გავლის დროს და ყველაზე ეფექტური გზაა სისტემის რეგულარული მუშაობის უზრუნველსაყოფად.