დასახელდა დიეტა, რომელიც დაგვეხმარება, 70 წლამდე ვიცხოვროთ ქრონიკული დაავადებების გარეშე
ჰარვარდის ტ.ჩანის საზოგადოებრივი ჯანმრთელობის სკოლის მეცნიერებმა დაადასტურეს, რომ 70 წლამდე ფიზიკური და ფსიქიკური ჯანმრთელობის შესანარჩუნებლად აუცილებელია ხორცის, მარილის, შაქრისა და მავნე ცხიმების მოხმარების შეზღუდვა. კვლევის შედეგები გამოქვეყნდა ჟურნალში Nature Medicine (NatMed).
კვლევაში მონაწილეობდა 39-69 წლის ჯანდაცვის 105000 თანამშრომელი. 30 წლის განმავლობაში მეცნიერები თვალყურს ადევნებდნენ მონაწილეების კვების რაციონში ცვლილებებს და აღრიცხავდნენ ქრონიკული დაავადების განვითარების ყველა შემთხვევას. აღმოჩნდა, რომ ჯანსაღ კვებას მხოლოდ 9771 მონაწილე (სულ 9,3%) მისდევდა.
მკვლევარებმა დაადგინეს, რომ მონაწილეები, რომლებიც მოიხმარდნენ მეტ ხილს, ბოსტნეულს, მარცვლეულს, თხილს, პარკოსნებს, თევზს და უშაქრო რძის პროდუქტებს, უფრო მეტად აღწევენ 70-80 წლამდე ფიზიკური, გონებრივი ან შემეცნებითი დარღვევის გარეშე.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
არანაკლებ მნიშვნელოვანი იყო ხორცის, ასევე მარილის, შაქრის, ცხიმებისა და საკვები დანამატების ნაწილობრივი შეზღუდვა. მეცნიერებმა აღნიშნეს, რომ ეს ოთხი კომპონენტი ყველაზე ხშირად გვხვდება ულტრა დამუშავებულ საკვებში, როგორიცაა ქარხნული წარმოების საკონდიტრო ნაწარმი, სწრაფი კვება, ტკბილი სასმელები და ძეხვეული.
ასევე წაიკითხეთ
კაკაოს უჩვეულო სარგებელი ჯანმრთელობისთვის
კაკაო აძლიერებს გულის მუშაობას და იცავს ორგანიზმს კიბოსგან.
- კაკაოს ფხვნილი შეიცავს ორგანიზმისთვის სასარგებლო ნივთიერებების ფართო სპექტრს. მხოლოდ ერთი სუფრის კოვზი შეიცავს 1 მგ რკინას, 6 მგ კალციუმს, 26 მგ მაგნიუმს, 39 მგ ფოსფორს და 135 მგ კალიუმს, რის გამოც ეს სასმელი აძლიერებს გულს, ძვლებს და ასევე აფერხებს კიბოს განვითარებას.
- გარდა აღნიშნული ნივთიერებებისა, კაკაო შეიცავს აგრეთვე სელენს, თუთიას, ფოლიუმის მჟავას, E, B5 და B12 ვიტამინებს, რომლებიც ხელს უწყობენ ჯანმრთელობისა და სილამაზის შენარჩუნებას, გავლენას ახდენს ნერვული სისტემის ფუნქციონირებაზე და გულის მუშაობაზე. არანაკლებ მნიშვნელოვანია, რომ ეს სასმელი შეიცავს უამრავ პოლიფენოლს, რომლებიც არსებითად ბუნებრივი ანტიოქსიდანტებია.
ანტიოქსიდანტები იცავს უჯრედებს თავისუფალი რადიკალების დესტრუქციული ზემოქმედებისგან, რომლებიც წარმოიქმნება ორგანიზმის შიგნით ან სხეულში ხვდებიან ჰაერიდან, წყლისა და საკვებიდან. ისინი ანადგურებენ ჯანსაღ უჯრედებს, პროვოცირებენ ანთებას და ზრდიან გულ-სისხლძარღვთა და ონკოლოგიური დაავადებების განვითარების რისკს.
კერძოდ, პოლიფენოლები ამცირებს ორგანიზმში ანთებას და ახდენს ქოლესტერინის ნორმალიზებას, თუმცა, მნიშვნელოვანია გავითვალისწინოთ, რომ კაკაო არის მაღალკალორიული სასმელი, რომელიც კარგავს თავის სასარგებლო თვისებებს დიდი რაოდენობით შაქრის და სხვა ტკბილი ინგრედიენტების დამატებისას. ამ შემთხვევაში ის ხდება მავნე დესერტი, რომელსაც შეუძლია ზიანი მიაყენოს ჭარბწონიან და დიაბეტით დაავადებულ ადამიანებს. ჯანმრთელი ადამიანისთვის რეკომენდებულია დღეში არაუმეტეს ერთი ან ორი ფინჯანი კაკაოს დალევა.
კაკაო სასარგებლოა, განსაკუთრებით, გულ-სისხლძარღვთა სისტემის ჯანმრთელობისთვის. კაკაო აღადგენს ტვინის კოგნიტურ ფუნქციებს და იცავს მას განადგურებისგან, ასტიმულირებს სიამოვნების ჰორმონების სინთეზს და მოქმედებს როგორც ანტიდეპრესანტი, უზრუნველყოფს დამამშვიდებელ ეფექტს თეობრომინის წყალობით.
