რომელი უცხიმო საკვებია არაჯანსაღი
კარგია მხოლოდ გარკვეული ქრონიკული დაავადებების მქონე ადამიანებისთვის და საზიანოა მომხმარებლების უმრავლესობისთვის.
სპეციალისტმა აღნიშნა, რომ მწარმოებლები ხშირად ცვლიან პროდუქტიდან ამოღებულ ბუნებრივ ცხიმს ემულგატორებით და სხვა ინგრედიენტებით, რომლებიც არ შეიცავს საკვებ ნივთიერებებს.
დიეტოლოგმა ერთ-ერთ ასეთ პროდუქტად უცხიმო ნაყინი დაასახელა. ის, ისევე როგორც სხვა გაყინული დესერტები, ცხიმის მოცილებისას კარგავს არა მხოლოდ გემოს, არამედ კვებით ღირებულებასაც. მოუხდელი რძისგან დამზადებული ნაყინი შეიცავს ორგანიზმისთვის საჭირო კალციუმს და პროტეინს.
- გარონე მიიჩნევს, რომ დიეტური მაიონეზი ჯანმრთელობას არ გააუმჯობესებს. მისი თქმით, ამ სოუსის ტრადიციული ვერსია ღირებულია ზუსტად კვერცხის გულების გამო, რომელთაგან თითოეული შეიცავს დაახლოებით ხუთ გრამ ცხიმს.
- თუმცა, ცხიმის დაბალი შემცველობის მსუბუქი მაიონეზის მომზადებისას მწარმოებლები ხშირად იყენებენ გამასქელებელს (მოდიფიცირებული საკვები სახამებელი) და კვერცხის ნაცვლად ამატებენ სოიოს ზეთს. მართალია ეს ინგრედიენტები საშიში არ არის, მაგრამ არ შეიცავს A, B12 და D ვიტამინებს და ანტიოქსიდანტებს, რომლებითაც კვერცხის გული მდიდარია, ხაზგასმით აღნიშნა დიეტოლოგმა.
დასასრულს სპეციალისტმა აღნიშნა, რომ ბევრი მომხმარებელი, ვისაც სურს შეამციროს გულ-სისხლძარღვთა დაავადებების განვითარების რისკი, კარაქის ნაცვლად მარგარინს ყიდულობს. თუმცა, მისი თქმით, არ არსებობს სამეცნიერო მტკიცებულება იმისა, რომ კარაქი ზრდის გულის პრობლემების რისკს.
ამავდროულად, დიეტოლოგმა მოგვიწოდა თავი შევიკავოთ ამ პროდუქტის გადაჭარბებული გამოყენებისაგან მისი მაღალი კალორიული შემცველობის გამო.