როგორ ვიკვებოთ, მბზინავი და ახალგაზრდული კანი რომ გვქონდეს
ამის შესახებ დერმატოლოგმა ლეა ანსელმა და დიეტოლოგმა სტეფ გრასომ ისაუბრეს, წერს Daily Mail.
ანსელმა ხაზგასმით აღნიშნა, რომ არცერთ დიეტას არ შეუძლია კანის ახალგაზრდობის აღდგენა, მაგრამ ზოგიერთ პროდუქტს შეუძლია მისი ოპტიმალურ მდგომარეობაში შენარჩუნება. ექიმის თქმით, ეს თვისება აქვს კენკრას, ტკბილ კარტოფილს, ფოთლოვან ბოსტნეულს, ბროკოლს, ავოკადოს და თევზს, რადგან ისინი შეიცავს უამრავ ვიტამინ A, E, C-ს და ფოლიუმის მჟავას. გარდა ამისა, თევზის მრავალი სახეობა მდიდარია ომეგა-3 ცხიმოვანი მჟავებით, რომლებიც ასევე დადებითად მოქმედებს კანზე. "ისინი ხელს უწყობენ ბუნებრივი ბარიერის გაძლიერებას, იცავს გარემოს სტრესისგან და ხელს უშლიან სითხის დაკარგვას", - ჩამოთვალა ექიმმა თევზის სასარგებლო თვისებები.
გრასომ დასძინა, რომ დამატენიანებელი ეფექტის მიღწევა შესაძლებელია საკვების მიღებით, რომელიც ყოველდღიურად ინარჩუნებს ტენიანობას. მათ შორისაა ჩიას თესლი, სელის თესლი, მზესუმზირა, ასევე გოგრის თესლი, ნუში, ნიგოზი, ავოკადო, კვერცხი და ლობიო.
გრასო ასევე გვირჩევს შოკოლადის ჭამას მათ, ვინც ზრუნავს თავის კანის ჯანმრთელობაზე. მან განმარტა, რომ მიუხედავად ამ დესერტის ცუდი რეპუტაციისა, კაკაო შეიცავს ფლავონოიდებს და ანტიოქსიდანტებს, რომლებიც ამცირებენ ანთებას. ამისთვის 70 პროცენტზე მეტი კაკაოს შემცველი შოკოლადი უნდა აირჩიოთ.
ცხიმიანი კანის მქონე ადამიანებს, რომლებსაც აკნესთან უწევთ გამკლავება, გრასომ ურჩია უარი თქვან უცხიმო რძის პროდუქტებზე და ჩაენაცვლებინათ ისინი ნორმალური ცხიმიანი ალტერნატივებით. თუმცა, ეს რჩევა მხოლოდ მათთვის იქნება სასარგებლო, ვისაც არ აქვს ინდივიდუალური ლაქტოზას აუტანლობა, რომელიც ასევე შეიძლება გამოვლინდეს კანზე გამონაყარის სახით.