შესანიშნავი დანამატი ნებისმიერი დიეტისთვის
ექიმები ხშირად საუბრობენ იმის თაობაზე, რომ კვერცხი შეიცავს ქოლესტერინს. თუმცა ეს პროდუქტი სწრაფად გვანაყრებს და, შედეგად, ამცირებს ზედმეტი ჭამის რისკს, განაცხადა დიეტოლოგმა Destiny Moody გამოცემასთან Eat This, Not That! საუბარში. მან ისაუბრა ამ პროდუქტის სხვა თვისებებზე.
მუდის თანახმად, ბოლო კვლევებმა აჩვენა, რომ კვერცხი გვეხმარება სწრაფად დავნაყრდეთ, რადგან შეიცავს უამრავ პროტეინს, რაც ამცირებს ზედმეტი ჭამის რისკს და არაჯანსაღი საჭმლის მიღების ალბათობას. ამ ფაქტმა, როგორც დიეტოლოგმა განაცხადა, შეცვალა დამოკიდებულება ამ პროდუქტის მიმართ.
კვერცხი ასევე შეიცავს აუცილებელ ვიტამინებს, მინერალებს და ანტიოქსიდანტებს, რომლებიც საკვები რაციონის სასიცოცხლო კომპონენტებია, დასძინა მუდიმ. გარდა ამისა, ის დაბალკალორიულია, მაგრამ მდიდარია ნუტრიენტებით, რაც მას შესანიშნავ დანამატად აქცევს მათთვის, ვინც წონაში დაკლებას ცდილობს.
ადამიანები, რომლებიც მიირთმევენ სრულფასოვან საუზმეს, კვერცხის ჩათვლით, დღის განმავლობაში ნაკლებს ჭამენ, ვიდრე ისინი, ვინც ტკბილეულით საუზმობს.
გარდა ამისა, ქოლინი, ვიტამინი D, ფოლიუმის მჟავა და B ჯგუფის ვიტამინები კვერცხთან ერთად ხვდება ორგანიზმში, განაგრძო დიეტოლოგმა. „ჯანმრთელობის მსოფლიო ორგანიზაციის თანახმად, კვერცხი ცილის ყველაზე ათვისებადი წყაროა. მაღალი ხარისხის ცილები მნიშვნელოვან როლს ასრულებენ კუნთების მასის ზრდასა და შენარჩუნებაში, რაც ხელს უწყობს მეტაბოლიზმის დაჩქარებას და წონის ეფექტურ დაკლებას“, - დაასკვნა მუდიმ.