შემოდგომაზე რაციონში კენკრის შეტანა აუცილებელია
რაციონში შემოდგომაზე უნდა ჩართოთ ქაცვი, ასევე გალღობილი ჟოლო და მარწყვი.
ამ კენკრისგან შეგიძლიათ მიიღოთ ვიტამინები, მინერალები, ბიოფლავონოიდები და უჯრედისი, რაც ხელს შეუწყობს კუჭ-ნაწლავის ტრაქტის ნორმალურ ფუნქციონირებას, იმუნიტეტს და გულ-სისხლძარღვთა სისტემას. მათი დამატება შესაძლებელია ჩაიში ან მარცვლეულის ფაფებში,
შემოდგომაზე მაღალია არა მხოლოდ გაციების, არამედ ადამიანიდან ადამიანზე გადამდები ინფექციური დაავადებების რისკიც. სრულად შეიარაღებისთვის და საკუთარი იმუნიტეტის შესანარჩუნებლად, შეგიძლიათ მიირთვათ ქაცვი. ეს არის შესანიშნავი პროდუქტი, რომელიც შეიცავს უამრავ ვიტამინს: A, C და B ჯგუფის ვიტამინებს.
ასევე მნიშვნელოვანია ვიცოდეთ ის საკვები, რომელიც ხელს უწყობს შემოდგომაზე იმუნიტეტის გაძლიერებას. მათ შორისაა: გოგრა, თაფლი, ყვავილოვანი კომბოსტო, ბრიუსელის კომბოსტო, ვაშლი, მსხალი, მოცვი, ასევე კურკუმა და მუსკატის კაკალი.
ყველა ეს საკვები მდიდარია C, B ჯგუფის და A ვიტამინებით, ანტიოქსიდანტებით, მინერალებითა და ფლავონოიდებით, რომლებიც თრგუნავენ ორგანიზმში ანთებას და ხელს უწყობენ იმუნური სისტემის გაძლიერებას.
ასევე დაგაინტერესებთ
რა დაავადებებს კურნავს ქაცვი?
ხალხურ მედიცინაში ქაცვი გამოიყენება სხვადასხვა დაავადებების სამკურნალოდ. ნაყოფს ნახარშის სახით იყენებდნენ კუჭის დაავადების დროს, ტოტებისა და ფოთლების ნახარშს – კუჭის აშლილობის საწინააღმდეგოდ, ხოლო თესლის ნახარშს – როგორც საღაფარათო საშუალებას. კუჭისა და თორმეტგოჯა ნაწლავის წყლულის სამკურნალოდ, დამწვრობის დროს ხალხურ მედიცინაში ხმარობენ სხვადასხვა წესით სახლში გამოხდილ ქაცვის ზეთს.
მედიცინაში ფართოდ გამოიყენება ქაცვის ზეთი, მოწითალო-ნარინჯისფერი ბლანტი სითხე, რომელიც მდიდარია ბიოლოგიურად აქტიური ნივთიერებებით. ბევრი ავტორის ცნობით ქაცვის ზეთი ხელს უწყობს უჯრედების ეპითელიზაციის პროცესს, აქვს ტკივილგამაყუჩებელი, ანთების საწინააღმდეგო თვისებები, რის გამოც მას ხშირად იყენებენ დამწვრობის, ტროფიკული წყლულის, ნაწოლების, დაჩირქებული ჭრილობების სამკურნალოდ. ეფექტურია მისი მიღება ეროზიულ-წყლულოვანი პროქტიტების, ანუსის ნახეთქების, კატარალური და ატროფირებული პროქტიტების, ბუასილის და პაროდონტიტების მკურნალობის დროს.
გამოიყენება გინეკოლოგიაშიც.
ქაცვის ზეთს უნიშნავენ ავადმყოფებს დასალევად საყლაპავი მილის დასხივებისას, სიმსივნეთა მკურნალობის დროს ჩატარებული ქიმიოთერაპიის პარალელურად. თითო სუფრის კოვზი დღეში სამჯერ მთელი კურსის მანძილზე და მისი დამთავრების შემდეგაც 2-3 კვირის განმავლობაში.
ქაცვის ნაყოფის ნახარშს, რომელსაც კუჭის დაავადების დროს სვამენ, ამზადებენ შემდეგნაირად: 3 სუფრის კოვზ ნაყოფს დაასხით 0,5 ლ ცხელი წყალი, ადუღეთ 10 წთ ნელ ცეცხლზე, გადაწურეთ, დაუმატეთ თაფლი (ნატურალური) გემოვნებით და მიიღეთ როგორც ჩაი 2-3 ჭიქა დღეში (უმჯობესია უზმოზე).
ტოტების და ფოთლების ნახარშის მოსამზადებლად აიღეთ ერთი სუფრის კოვზი წვრილად დაჭრილი ფოთლები და ტოტები, დაასხით ცივი წყალი 0,5 ლ, ადუღეთ 5 წთ-ის განმავლობაში ნელ ცეცხლზე. გააცივეთ 30 წთ, გაწურეთ და მიიღეთ ერთ ჯერზე. საჭიროების შემთხვევაში გაიმეორეთ.
ნაყოფისა და ფოთლების ნაყენი გამოიყენება როგორც თმის ცვენის საწინააღმდეგო საშუალება. 2 სუფრის კოვზ ფოთოლს დაასხით 2 ჭიქა მდუღარე, გააჩერეთ 2-4 სთ-ით მჭიდროდ თავდახურულ ჭურჭელში. დალიეთ 150 მლ 2-ჯერ დღეში ჭამის წინ, დილას და საღამოს. ასევე შეიზილეთ თავის კანში საღამოს ყოველდღიურად.
კუჭისა და თორმეტგოჯა ნაწლავის წყლულის მკურნალობის დროს სვამენ ქაცვის ზეთს (1 ჩაის კოვზი 3-ჯერ დღეში ჭამის წინ, 3-4 კვირის განმავლობაში). მკურნალობის პირველი 3-4 დღის მანძილზე ძლიერდება გულძმარვა, მჟავე ბოყინი. ამ მოვლენების თავიდან ასაცილებლად ქაცვის ზეთში, მიღებამდე, გაურიეთ 2% სოდის ხსნარი 1/4 ჭიქა, კარგად შეანჯღრიეთ და ისე მიიღეთ. სისტემატური მიღების დროს მცირედ ან სრულად ქრება ტკივილი, ძმარვა, ბოყინი. კუჭის მჟავიანობაზე ქაცვის ზეთი მნიშვნელოვნად არ მოქმედებს.