მარიამ ფოლადაშვილი

საკვები, რომელსაც მივირთმევთ გავლენას ახდენს არა მხოლოდ ჩვენს განწყობაზე, არამედ ძილის რეჟიმზე და ენერგიის დონეზე. კვლევებმა აჩვენა, რომ სეზონების ცვლილება ხშირად იწვევს ემოციური კვების ზრდას.

ამ კვლევაში, ადამიანები, რომლებიც ზამთარში და შემოდგომის თვეებში ენერგიის დაქვეითებას განიცდიან მეტად მოიხმარენ სახამებლისა და შაქრიან საკვებს, ასევე საღამოობით მეტი რაოდენობით საკვებს იღებენ.

საკვები, რომელსაც უნდა მოერიდოთ ან შეზღუდოთ:

Შაქარი.

ალკოჰოლი.

სახამებლის შემცველი საკვები.

გადამუშავებული საკვები.

შაქრით დამტკბარი საკვები(ნამცხვრები), ისევე როგორც ფქვილზე დაფუძნებული საკვები(პური, კრეკერი და ცომეული) შესაძლოა მოახდინოს ენერგიის სწრაფი სტიმულირება, მაგრამ მათმა დაბალმა კვებითმა ღირებულებამ შეიძლება განაპირობოს ენერგიისა და განწყობის დაქვეითება.

საკვები, რომელსაც შეუძლია გააუმჯობესოს თქვენი განწყობა

არსებობს უამრავი საკვები, რომელიც დადებითად მოქმედებს თქვენს განწყობაზე.

D ვიტამინით მდიდარი საკვები - წითელი ხორცი(ზომიერად), სოკო, კვერცხის გული, თქვენ ასევე უნდა მოძებნოთ D ვიტამინით გაჯერებული პროდუქტები, როგორიცაა რძე, იოგურტი და მარცვლეული.

კვლევამ აჩვენა, რომ ზამთრის თვეებში, ადამიანებს, რომლებიც ემოციურ კვებას განიცდიან, აქვთ D ვიტამინის დაბალი დონე, რაც უფრო მეტ შფოთვასთან და დეპრესიასთან არის დაკავშირებული.

C ვიტამინით მდიდარი საკვები - ფორთოხალი, მანგო, ლიმონი, კივი, ბროკოლი, ბულგარული წიწაკა და მარწყვი შესანიშნავი ვარიანტია, თუ გსურთ გაზარდოთ C ვიტამინის დოზა. C ვიტამინი დაგეხმარებათ შფოთვის, ალცჰაიმერის დაავადებისა და დეპრესიის პრევენციაში, ასევე C ვიტამინი აძლიერებს იმუნიტეტს.

ცილებით მდიდარი საკვები - საქონლის ხორცი, ქათამი და კვერცხი პროტეინების კარგი წყაროა.

ეს საკვები დაკავშირებულია დოფამინისა და ნორეპინეფრინის მაღალ დონესთან (ქიმიური ნივთიერებები ტვინში). ისინი მნიშვნელოვან როლს ასრულებენ ჩვენს განწყობაზე, მოტივაციასა და კონცენტრაციაზე.

ტკბილი კარტოფილი - ტკბილი კარტოფილი შეიცავს ბოჭკოს, რომელიც ნელა იშლება და არ იწვევს სისხლში შაქრის დონის უეცარ მატებას ეს, თავის მხრივ, ხელს უწყობს საკვებისადმი ლტოლვისა და ემოციური კვების შემცირებას.

ტკბილი კარტოფილი ასევე მდიდარია მაგნიუმით, რომელიც დადასტურებულია, რომ ამცირებს შფოთვის დონეს

ჭარხალი - ჭარხლს შეუძლია სისხლში შაქრის დონის დაქვეითება. ჭარხალი ასევე დაგეხმარებათ არტერიული წნევის შემცირებაში.

კაკალი - დადებითად მოქმედებს შემეცნებით ფუნქციებზე (მეხსიერება, ყურადღება), ნიგოზს ასევე შეუძლია გააუმჯობესოს განწყობა.

კვლევამ, რომელშიც მონაწილეებს მიეცათ ერთი მუჭა ნიგოზი ხუთი დღის განმავლობაში, აჩვენა მადისა და სახამებლისა და შაქრიანი საკვებისადმი ლტოლვის მნიშვნელოვანი შემცირება.

კაკაო - ის არა მხოლოდ დამამშვიდებელია, არამედ კაკაო ასევე არის პოლიფენოლების წყარო. პოლიფენოლები ძლიერი ანტიოქსიდანტებია, რომლებიც ხელს უწყობენ განწყობის გაუმჯობესებას. მრავალ კვლევაში ნაჩვენებია, რომ პოლიფენოლები აძლიერებენ კონცენტრაციასა და ყურადღებას.