ლალი ჩხიკვაძე

ქლოროგენის მჟავა, რომელიც გვხვდება ყავაში, ხელს უწყობს ღვიძლის უჯრედების აღდგენას და ამცირებს კიბოს რისკს. ის ორგანიზმში ხვდება სისხლის მიმოქცევის გზით და თავისი ანთების საწინააღმდეგო თვისებების გამო დადებითად მოქმედებს მასზე. ღვიძლის მდგომარეობაზე უარყოფითად მოქმედებს მრავალი ფაქტორი, მათ შორის ალკოჰოლი, მედიკამენტები, ჭარბი წონა და ღვიძლში ჭარბი ცხიმის დეპონირება - უჯრედებში ვითარდება ანთებითი პროცესი, რომელიც აზიანებს უჯრედის მემბრანას. ყავა კი ხელს უწყობს მის აღდგენას.

ყავა დადებითად მოქმედებს მეხსიერებაზე, რომელიც ასაკთან ერთად უარესდება, რადგან ტვინის უჯრედებს შორის იმპულსები უფრო ნელა გადის. გარდა ამისა, სასმელი ეხმარება დაბალი წნევის მქონე ადამიანებს, რადგან ის ავიწროებს სისხლძარღვებს და ზრდის არტერიულ წნევას.

ყავა შეიძლება უკუნაჩვენები იყოს ანემიის ან ოსტეოპოროზის დროს, რადგან მას შეუძლია ორგანიზმიდან გამოდევნოს კალციუმი და რკინა. ჰიპერტენზიის მქონე პაციენტებმა სიფრთხილით უნდა მიიღონ ყავა. ჯანმრთელ ადამიანს შეუძლია დღეში 3-4 ფინჯანი ყავის დალევა, ჯანმრთელობისთვის ზიანის მიყენების გარეშე, ჭამის შემდეგ. ამავდროულად, უმჯობესია სასმელს რძე დაუმატოთ, ვიდრე ნაღები, რადგან ეს უკანასკნელი ცხიმიანია და ღვიძლს სარგებელს არ მოუტანს.