ხელოვნური დამატკბობელი შესაძლოა დაკავშირებული იყოს გულის პრობლემებთან
ერითრიტოლი - დაკავშირებულია გულის შეტევისა და ინსულტის გაზრდილ რისკთან.
ერითრიტოლი გამოიყენება, როგორც შაქრის შემცვლელი ბევრ დამუშავებულ საკვებში, იმის გამო, რომ მისი არომატი ძალიან ჰგავს შაქარს. იგი, ასევე გამოიყენება სხვა ხელოვნურ დამატკბობლებთან ერთად, რადგან იძლევა უფრო ბუნებრივ არომატს.
კვლევაში მონაწილეობდა 4000 ადამიანი შეერთებული შტატებიდან და ევროპიდან. მეცნიერთა გუნდმა აღმოაჩინა, რომ მათ, ვისაც სისხლში ერითრიტოლის უფრო მაღალი დონე ჰქონდა, გულ-სისხლძარღვთა სერიოზული გვერდითი მოვლენების განვითარების უფრო დიდი რისკის ქვეშ იყვნენ.
მათ ასევე ცალკეული კვლევის შედეგად, სადაც ჯანმრთელ მოხალისეებს მიეცათ ხელოვნური დამატკბობლის ერთჯერადი პორცია, აღმოაჩინეს, რომ ხელოვნური დამატკბობლის მირება დაკავშირებული იყო სისხლის შედედების გაზრდილ რისკთან, რამდენიმე დღის განმავლობაში.
შეშფოთებას იწვევს ისიც, რომ ერითრიტოლს, როგორც წესი, იყენებენ საკვებში, რომელიც განკუთვნილია იმ ადამიანებისთვის, რომლებსაც სურთ წონაში დაკლება ან რომლებსაც აქვთ დიაბეტი. ხოლო, იგივე პირები უკვე არიან გულის პრობლემების რისკის ქვეშ. კიდევ ერთი საკითხია ისიც, რომ ეს ინგრედიენტი ყოველთვის არ წერია ეტიკეტზე.
ამიტომ, თუ გაქვთ სიმსუქნე, დიაბეტი, გულის დაავადება ან ხართ რისკის ქვეშ, შეძლებისდაგვარდ უნდა მოერიდოთ ამ ხელოვნური დამატკბობლის შემცველ საკვებს.