სელენა გომესმა წონის მატების მიზეზად მგლურას სამკურნალო წამალი დაასახელა
სწრაფად იმატებს წონაში. ამის შესახებ Page Six ვარსკვლავის სოციალურ ქსელებზე დაყრდნობით იუწყება.
„როდესაც ამ [წამლებს] ვიღებ, ბევრი წყალი ჩერდება ჩემს ორგანიზმში და ეს ნორმალურია. როდესაც მათ დალევას ვწყვეტ, ჩვეულებრივ წონაში ვიკლებ“, -ასე განმარტა მსახიობმა წონის მატების მიზეზი.
მომღერალმა დაამატა, რომ ურჩევნია იყოს ჯანმრთელი და იზრუნოს საკუთარ თავზე და ასევე თვლის, რომ მედიკამენტები ეხმარება მას დაავადებასთან გამკლავებაში.
„უბრალოდ მინდოდა გამემხნევებინა ისინი, ვინც განვლილი გზის გამო სირცხვილის გრძნობას განიცდის, მაშინ როდესაც არავინ იცის, რა ხდება სინამდვილეში“, - ხაზგასმით აღნიშნა გომესი.
მსახიობმა თქვა, რომ მოდელი არ არის და ვერასოდეს იქნება და თაყვანისმცემლებსაც მიმართა: „მიყვარხართ, მადლობა მხარდაჭერისთვის და გაგებისთვის. და ვისაც ეს არ მოსწონს, წადით, რადგან, გულწრფელად რომ ვთქვათ, არ მჯერა, რომ ადამიანებს რცხვენიათ თავიანთი სხეულის. ”
2014 წელს მომღერალს მძიმე აუტოიმუნური დაავადების, სისტემური წითელი მგლურას დიაგნოზი დაუსვეს, სამი წლის შემდეგ კი ვარსკვლავს თირკმლის გადანერგვა გაუკეთდა.