რა განსხვავებაა სხვადასხვა ფერის ვაშლებს შორის
რაც უფრო მკვეთრი ფერისაა ვაშლი, მით მეტ საკვებ ნივთიერებებს შეიცავს იგი.
მწვანე ვაშლი სასურველია მათთვის, ვინც აკონტროლებს წონას ან მიდრეკილია ალერგიისკენ. ასეთ ვაშლში მეტი მჟავა და ნაკლები შაქარია, ვიდრე წითელ ხილში, რაც იმას ნიშნავს, რომ მათ აქვთ დაბალი კალორიულობა. გარდა ამისა, მწვანე ვაშლი შეიცავს მეტ ვიტამინ C-ს, ხოლო პიგმენტები, რომლებიც ვაშლს მწვანეს ხდის, ნაკლებად ალერგენულია.
წითელი ვაშლი უფრო ტკბილია და ამიტომ უფრო კალორიულია. ამავე დროს, ასეთ ვაშლებში გაცილებით მეტი რკინაა. ის განსაკუთრებით სასარგებლოა გულ-სისხლძარღვთა დაავადებების და მათი პროფილაქტიკისთვის, ასევე თირკმელებისა და ღვიძლის დაავადებების დროს.
თავის მხრივ, ყვითელი ვაშლი შემადგენლობით უფრო ახლოს არის მწვანესთან, მაგრამ შეიცავს უფრო მეტ ბეტა-კაროტინს და შაქარს, ასევე პექტინებს, რომლებიც გვეხმარება დიარეის დროს და ამცირებს სისხლში ქოლესტერინის დონეს. თუმცა არის ყვითელი ვაშლის ცალკეული სახეობები, რომლებშიც განსაკუთრებით ჭარბად არის რკინა.