მაღალბოჭკოვანმა დიეტამ შეიძლება შეამციროს დემენციის რისკი
ახალი კვლევის შედეგების მიხედვით კი მას შეუძლია დაიცვას ტვინი დემენციისგან.
კვლევაში ჩართული იყო 3700 ზრდასრული(40-დან 64 წლამდე). კვლევამ აჩვენა, რომ ადამიანებს, რომლებიც ყოველდღიურად ყველაზე მეტ ბოჭკოს მოიხმარდნენ, დემენციის განვითარებით ყველაზე დაბალი მაჩვენებელი ჰქონდათ, ხოლო, მათ, ვინც ყველაზე ნაკლებ ბოჭკოს იღებდა დემენციის განვითარების მაღალი მაჩვენებელი.
მკვლევარები ვარაუდობენ, რომ დაცვის რამდენიმე შესაძლო მექანიზმი არსებობს.მაგალითად, ბოჭკოვანი დიეტა ხელს უწყობს წონის და არტერიული წნევის შემცირებას. ამგვარი ცვლილება კი ადამიანს იცავს სისხლძარღვთა დემენციისგან (ტვინის სისხლის ნაკადის შემცირებით გამოწვეული აზროვნების უნარის შემცირება). ბოჭკოვანი პროდუქტები, ასევე ზრდის სასარგებლო ბაქტერიების რაოდენობას, რაც ამცირებს ანთებით პროცესებს ტვინში.
თუმცა, ეს მხოლოდ კვლევაზე დაკვირვების შედეგებია (კვლევა გამოქვეყნდა ჟურნალში, "ნუტრიციული ნეირომეცნიერება"), აქედან გამომდინარე, ბოჭკოვანი პროდუქტების როლი დემენციის განვითარების რისკის შემცირებაში ბოლომდე დადასტურებული არ არის და საჭიროებს დამატებით კვლევებს.