ქალმა ხუთ თვეში 19 კილოგრამი დაიკლო და წარმატების საიდუმლო გაამხილა
2020 წლის თებერვალში 25 წლის სტეფანი ნეტოს მამა გარდაიცვალა. ამის შემდეგ მან თავის მოვლა შეწყვიტა და სტრესისგან უფრო და უფრო მეტს ჭამდა. ტოქსიკური ურთიერთობა, რომელშიც ის იმ დროს იყო, მხოლოდ აუარესებდა მდგომარეობას. ჭარბ ჭამას ალკოჰოლის ბოროტად გამოყენებაც დაემატა. მალე მან წონაში 79 კილოგრამამდე მოიმატა. მას აწუხებდა ქოშინი და ჭარბი წონა ართულებდა შესაფერისი ტანსაცმლის პოვნას. ”მახსოვს, დედაჩემთან და ყოფილ საყვარელთან ერთად რესტორანში ვიჯექი და რამდენიმე გოგონა ჩურჩულებდა, რა დიდად გამოვიყურებოდი”, - იხსენებს ის.
გააცნობიერა რა პრობლემა, ნეტომ გადაწყვიტა შეეცვალა ცხოვრების წესი. მან დაიწყო ვარჯიში და წონის დაკლების სხვადასხვა მეთოდის ცდა. თავიდან ქალი ცდილობდა რაციონიდან გამოერიცხა ნახშირწყლები და სწრაფი კვება და მოეწყო კარდიო ვარჯიშები, მაგრამ ეს უშედეგო აღმოჩნდა. ეფექტი მაშინ აღინიშნა, როდესაც მან დაიწყო 80:20 წესის დაცვა. მისი თქმით, დიეტის 80 პროცენტი უნდა იყოს ნოყიერი სახლში მომზადებული საკვები, ხოლო 20 პროცენტი - მზა საკვები, რომლითაც შეძლებთ საკუთარ თავს საჩუქარი გავუკეთოთ.
ახლა ნეტო საუზმეზე ჭამს ფაფას ხილთან ერთად, სადილზე ბაგელებს ათქვეფილი კვერცხით და ვახშამზე ორაგულს ბრინჯით და ბოსტნეულით. წახემსებისას ის საკუთარ თავს ნებას რთავს მიიღოს დაბალკალორიული ნაყინი, გრანოლა, იოგურტი და სხვა დაბალკალორიული საკვები. ქალი დღეში 10 000 ნაბიჯს გადის, ყოველდღე ვარჯიშობს და კვირაში ოთხჯერ ასრულებს ძალისმიერ ვარჯიშს.
მიუხედავად იმისა, რომ იგი თითქმის არ იზღუდავს თავს, ეს არ ხდება პრობლემა. „ჩვეულებრივ, ადამიანები ფიქრობენ, რომ წონის დაკლებისთვის საჭიროა ნაკლები ჭამა, მაგრამ სინამდვილეში თქვენ უბრალოდ უნდა მოიხმაროთ ნაკლები კალორია, ვიდრე თქვენი ორგანიზმი გადაამუშავებს“, განმარტავს ნეტო. მისი თქმით, ის თავს უფრო ძლიერად, ბედნიერად და ჯანმრთელად გრძნობს, ვიდრე ოდესმე.