ლალი ჩხიკვაძე

პირველ რიგში ამ თვალსაზრისით აღსანიშნავია ბლითები. კალორიულობის კუთხით ერთი ბლითი 4-5 ნაჭერ პურს უდრის. ამასთან მას იშვიათად მიირთმევენ სუფთა სახით. ბლითებს ხშირად იღებენ საუზმეზე სხვადასხვა შიგთავსით, ყველით, არაქისის კარაქით და სხვა მაღალკალორიული პროდუქტებით.

სიაში მეორეა - ფანტელები საუზმისთვის, რომელშიც, სპეციალისტების აზრით, სასარგებლო ნივთიერებები ცოტაა. ადამიანები ხშირად ფანტელს ჯანსაღ კვებად მიიჩნევენ, მაგრამ ტკბილი ფანტელები შეიცავს იმდენივე ან მეტ შაქარს, რამდენსაც ორცხობილები. საუზმეზე ფანტელების მიღებამ შეიძლება გამოიწვიოს სისხლში შაქრის დონის მკვეთრი მატება.

ფიგურისათვის ასევე სახიფათოა ტკბილი გაზიანი სასმელები, რომლებიც შაქრის გარდა პრაქტიკულად არაფერს შეიცავს.

სიაში მეოთხე ადგილზე თეთრი პურია, რომელიც სპეციალისტების განმარტებით, დამზადებისას ძლიერ დამუშავებას განიცდის და საკვებ ნივთიერებებს პრაქტიკულად აღარ შეიცავს. ის ჭარბად შეიცავს ნახშირწყლებს და დიდი რაოდენობით მისი მიღება იწვევს წონაში მატებას.

სიაში ბოლო რაფინირებული ხორბლის ფქვილისგან დამზადებული მაკარონია. მასში ბევრი ნახშირწყლებია და საერთოდ არ არის უჯრედისი. ამიტომ უნდა შევარჩიოთ დაუცეხვავი ხორბლის მაკარონი და ყურადღება მივაქციოთ ულუფის ზომას.