ხმელთაშუა ზღვის დიეტა მამაკაცებს დეპრესიის დაძლევაში ეხმარება
12 კვირის განმავლობაში დეპრესიის სიმპტომების მქონე, 18-25 წლის 72 მამაკაცი იკვებებოდა ხმელთაშუაზღვის დიეტის კრიტერიუმების შესაბამისად - დიდი რაოდენობით ბოსტნეული, ცეხვილი პროდუქტები, პარკოსნები, ნიგოზი და ცხიმიანი თევზი. საკონტროლო ჯგუფთან შედარებით, სტანდარტული გამოკითხვებით განსაზღვრული დეპრესიის სიმპტომები, ამ ჯგუფის მამაკაცებში შემცირდა.
მკვლევარებმა განაცხადეს, რომ არსებობს სამეცნიერო თვალსაზრისით დამტკიცებული მრავალი მიზეზი, რომ საკვები მოქმედებს განწყობაზე. მაგალითად სეტროტონინის (ბედნიერების ჰორმონი) 90% იწარმოება ნაწლავში ნაწლავის მიკრობების საშუალებით. სულ უფრო მეტი მტკიცებულებაა იმისა, რომ ეს მიკროებები უკავშირდება ტვინს ცდომილი ნერვის საშუალებით. სასარგებლო მიკროორგანიზმების გასამრავლებლად ჩვენ ისინი უნდა ვკვებოთ უჯრედისით, რომელსაც შეიცავს პარკოსნები, ხილი და ბოსტნეული.
დეპრესიის მქონე პაციენტთა მესამედი არ რეაგირებს მკურნალობის სტანდარტულ მეთოდებზე. რადგანაც დეპრესიული პაციენტები არასრულფასოვნად იკვებებიან, მეცნიერები იმედოვნებენ, რომ რაციონის შეცვლა მათი გამოჯანმრთელების შანსებს გაზრდის. მართალია კვლევა ჩატარდა ახალგაზრდა მამაკაცების მონაწილოებით, მაგრამ სრულიად შესაძლებელია, რომ მისი შედეგები ასევე მიესადეგებოდეს ქალებსა და სხვა ასაკობრივ ჯგუფებს.