5 საკვები, რომელიც უნდა მიირთვათ, თუ კოვიდ19 გაქვთ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

5 საკვები, რომელიც უნდა მიირთვათ, თუ კოვიდ19 გაქვთ

ცუდი კვება ანთებით პროცესებთან და ოქსიდაციურ სტრესთან ასოცირდება, რაც იმუნიტეტს აზიანებს. კოვიდ19-ით ინფიცირებისას ორგანიზმში ოქსიდაციური სტრესი და ანთებაც მომატებულია, ამიტომ აუცილებელია, დიდი რაოდენობით ანტიოქსიდანტებით მდიდარი და ანთების საწინააღმდეგო თვისებების მქონე პროდუქტები მივირთვათ.

D ვიტამინი

dvitamin-1645688050.jpg

კოვიდ19-ის მართვის პროცესში D ვიტამინი ერთ-ერთი ყველაზე საჭირო მიკროელემენტია. ის ცხიმში ხსნადი ვიტამინია, რომელიც ჰორმონთან ერთად ანთების საწინააღმდეგო ეფექტს ავლენს, იმუნური სისტემის გადაჭარბებული აქტიობის დათრგუნვის გზით.

ვიტამინი D ზემოქმედებს ანგიოტენზინ გარდამქმნელ ფერმენტ 2-ზე (ACE2)- ცილის რეცეპტორზე, რომელიც ცხიმოვან ქსოვილსა და ფილტვებშია. სწორედ ACE2-ს უკავშირდება კოვიდ19-ის ინფექცია, რამაც შეიძლება მწვავე რესპირატორული დისტრეს სინდრომი ან კოვიდ19-ის მძიმე შემთხვევა გამოიწვიოს.

D ვიტამინის ურთიერთქმედება ACE2 ცილის რეცეპტორთან, პოტენციურად აფერხებს ვირუსის შეკავშირებას, შესაბამისად, SARS-Cov-2-თან დაკავშირებულ გართულებებსაც. მას დამცავი ფუნქციაც აქვს, შესაძლებელია, ფილტვებში დაზიანებული ქსოვილების შეხორცებას შეუწყოს ხელი. D ვიტამინის, დაახლოებით, 80%-ს გამოვიმუშავებთ მზის სხივების დახმარებით, თუმცა, 20%-ს საკვებიდან ვღებულობთ.

უნდა აღინიშნოს ისიც, რომ D ვიტამინი შესაძლებელია სხვა მედიკამენტთან კომბინაციაში არაეფექტური იყოს, მაგალითად, სისხლის გამათხელებელ პრეპარატებთან ერთად, ამიტომ ექიმის გარეშე არ მიიღოთ.

D ვიტამინით მდიდარი საკვები პროდუქტებია:

  • კვერცხის გული;
  • ქაშაყი;
  • ორაგული;
  • სარდინი;
  • ფორთოხლის წვენი;
  • რძის ნაწარმი;
  • თევზის ცხიმი;
  • ზღვის პროდუქტები.

კაროტინოიდები და A ვიტამინი

a-vita-1645688110.jpg

კაროტინოიდები ანტიოქსიტანებია, რომლებიც ძალიან მნიშვნელოვანია ჩვენი ორგანიზმისთვის, განსაკუთრებით A ვიტამინი და მისი წინამორბედი ბეტა-კაროტინი. A ვიტამინი ცხიმში ხსნადი კაროტინოიდია, რომელსაც ანთების საწინააღმდეგო თვისებები გააჩნია. კვლევები აჩვენებს, რომ ის პნევმონიისა და რესპირატორული დაავადებების სამართავად ეფექტურია. კოვიდ19-ის დროს ამცირებს ანთებას, ოქსიდაციურ სტრესს, აძლიერებს იმუნურ პასუსხს და დაავადების გართულებისგანაც გვიცავს.

მკვლევარები ფიქრობენ, რომ ის D ვიტამინის მსგავსად ACE2 რეცეპტორებს იცავს. ინფექციების და მათ შორის კოვიდ19-ით ინფიცირებისას ზოგიერთ ადამიანს შეიძლება A ვიტამინის დეფიციტიც კი განუვითარდეს, რა დროსაც აუცილებელია მისი დანამატის სახით მიღება.

A ვიტამინის შემცველი პროდუქტებია:

  • მუქი, მწვანე ფოთლოვანი ბოსტნეული;
  • ქათმის ღვიძლი;
  • ძროხის ღვიძლი;
  • თხის ყველი;
  • მოხარშული ტკბილი კარტოფილი;
  • სტაფილო.

თუთია

zn-1645688294.png

თუთია ერთ-ერთ ყველაზე საჭირო და მნიშვნელოვან მინერალად ითვლება. მისი ანტიოქსიდანტური და ანთების საწინააღმდეგო თვისებები გულის დაავადებების რისკს ამცირებს, იცავს თვალებს და აუმჯობესებს იმუნიტეტს. კოვიდ19-ის დროს თუთია ბაქტერიული ინფექციის რისკსაც ამცირებს და ACE2 რეცეპტორის აქტიობასაც. მინერალი ფილტვის ქსოვილსაც იცავს. თუთია, შესაძლებელია, კოვიდ19-ის სამკურნალო დამატებით თერაპიას წარმოადგენდეს.

თუთიით მდიდარია:

  • საქონლის ხორცი;
  • შავი შოკოლადი;
  • გოგრის თესლი;
  • ოსპი;
  • კაკალი.

ომეგა3-ის ცხიმოვანი მჟავა

omega3-1645688479.jpg

ომეგა3-ის ცხიმოვან მჟავებს ანთების საწინააღმდეგო თვისებები გააჩნიათ და სასარგებლოა თავის ტვინისა და გულის ჯანმრთელობისთვის. ის ეფექტურია რევმატოიდული ართრიტის დროსაც. კერძოდ, ეიკოსაპენტაენოინის მჟავა (EPA) და დოკოზაჰექსაენოინის მჟავა (DHA) კოვიდ19-ით ინფიცირებისას გამოჯანმრთელებაში გვეხმარებიან. ომეგა-3-ის ცხიმოვანი მჟავები ანთებას ამცირებს, ამასთან „ციტოკინური შტორმისგანაც“(იმუნური სისტემის ჰიპერაქტიურობა, რომელსაც უარყოფითი სიმპომები ახლავს თან) გვიცავს.

ომეგა3-ით მდიდარი პროდუქტები:

ომეგა3-ით მდიდარი პროდუქტები D ვიტამინის კარგი წყაროაცაა.

  • ცხიმიანი თევზი;
  • ნიგოზი;
  • ჩიას თესლი;
  • სელის თესლი;
  • სოია.

C ვიტამინი

vitamin-c-feature-image-600x375-1645688719.jpeg

C ვიტამინი იმუნიტეტს აძლიერებს და გვეხმარება კოვიდ19-ისგან გამოჯანმრთელებაში. ის პნევმონიისა და ბაქტერიული ინფექციის, მაგალითად, სეფსის საპროფილაქტიკოდაც მნიშვნელოვანია. (ზოგიერთი მეცნიერი ამ კუთხით მის გამოყენებას და ეფექტურობას ეჭვქვეშ აყენებს).

C ვიტამინის წყაროა:

  • ციტრუსი;
  • კივი;
  • ყვავილოვანი კომბოსტო;
  • კარტოფილი(კანიანად);
  • დაკონსერვებული პომიდორი;
  • ტკვილი წითელი წიწკა;
  • პაპაია.