თუ ადამიანი კვირაში სამი დღე მაინც მიიღებს პომელოს, მისი იმუნიტეტი სასუნთქი სისტემის ვირუსული ინფექციების წინააღმდეგ გაძლიერდება
პომელოს კანი მკვეთრი ყვითელი ან მწვანე შეფერილობისაა, ისე პრიალებს, თითქოს ლაქითაა დაფერილი. არსებობს მოწითალო შეფერილობისაც. გემო ტკბილი აქვს, ნაზი, ოდნავ მომჟავო, ფორთოხლის არომატით.
რატომაა სასარგებლო?
პომელოს ნაყოფი განსაკუთრებით სასარგებლოა ბავშვებისთვის. ის შეიცავს დიდი რაოდენობით C ვიტამინს, ბეტა-კაროტინს (პროვიტამინ A-ს), B ჯგუფის ვიტამინებს, მათ შორის - ფოლიუმის მჟავას.
მდიდარია მინერალური ნივთიერებებით, განსაკუთრებით - კალიუმით, ფართო სპექტრითაა წარმოდგენილი მიკროელემენტები.
ნაყოფი კარგად ანაყრებს, თუმცა ცოტა კალორიას შეიცავს - 100 გ რბილობი 30-39 კკალ-ს. ამიტომ ხშირად იყენებენ გასახდომ დიეტებში.
თუ ადამიანი კვირაში სამი დღე მაინც მიიღებს პომელოს, მისი იმუნიტეტი სასუნთქი სისტემის ვირუსული ინფექციების წინააღმდეგ გაძლიერდება.