ლალი ჩხიკვაძე

გოგრა მდიდარია არა მარტო საკვები ნივთიერებებით, არამედ უჯრედისით. ის აქრობს შიმშილს და აგვაცილებს თავიდან კალორიულ წახემსებას საკვების მიღებებს შორის. გოგრა 90% წყლისგან შედგება, რაც პროდუქტს დაბალკალორიულს და გახდომისთვის სასარგებლოს ხდის. ამასთან გოგრა მდიდარია ვიტამინებითა და მინერალებით. დიეტოლოგები გვირჩევენ გოგრის უშაქრო პიურე დავამატოთ სუპებში და სმუზში ან შევურიოთ შვრიის ფანტელს.

შემოდგომაზე კიდევ ერთი ხელმისაწვდომი პროდუქტი ვაშლია. ერთი დიდი ვაშლი შეიცავს 5,4 გ უჯრედისს, რაც დღიური ნორმის 19%. ვაშლის ნაჭრებს თუ ნუშის ზეთში ჩავუშვებთ, მივიღებთ ჯანსაღ და ნოყიერ საკვებს. შეიძლება ვაშლი დავჭრათ და დავუმატოთ სალათს ან ხორციან კერძს.

ლამაზი სხეულის შენარჩუნებაში დაგვეხმარება ბრიუსელის კომბოსტო. ის კარგად მიდის ცილებთან, როგორიცაა თევზი და ქათამი. პროდუქტის გემოს გასაუმჯობესებლად შეიძლება კომბოსტო გამოვაცხოთ ჰაერღუმელში.