რატომ უნდა მივირთვათ ძილის წინ ლიმონ-ჯანჯაფილის ჩაი? – 7 მიზეზი, რის გამოც მცენარეული ჩაი შეგიყვარდებათ
თქვენ ალბათ ეძებთ გზებს, თუ როგორ გაუმკლავდეთ ამ ყველაფერს და ორგანიზმი „აიძულოთ“ მოდუნდეს და დაისვენოს.
აუცილებლად, სცადეთ ლიმონისა და ჯანჯაფილის ჩაი, მცენარეულ სასმელს მატონიზირებელი, დამამშვიდებელი ეფექტი აქვს და ძილის წინ ნამდვილად ეფექტურია. შეგიძლიათ ცოტაოდენი თაფლიც დაუმატოთ.
განტვირთვის და მოდუნების გარდა, ჩაი ორგანიზმს აჯანსაღებს და არაერთი სასარგებლო თვისება გააჩნია.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
საჭმლის მომნელებელი სისტემა
დისპეფსია, ანუ კუჭ-ნაწლავის ნორმალური მოქმედების მოშლა არის საჭმლის მომნელებელი სისტემის დარღვევა, რომელსაც საკამოდ არასასიამოვნო სიმპტომები ახასიათებს.
მათთვის, ვისაც დისპეფსია აწუხებს, ლიმონ-ჯანჯაფილის ჩაი ნამდვილი შვებაა.
ჯანჯაფილი უძველესი დროიდან გამოიყენება ხალხურ მედიცინაში და ის ერთ-ერთი ყველაზე ეფექტური საშუალებაა, რომელიც კუჭ-ნაწლავის გამართულ ფუნქციონირებას უზრუნველჰყოფს.
რაც შეეხება ციტრუსს, ლიმონი შეიცავს მცენარეულ ნაერთ ლიმონინს, რომელიც საჭმლის მონელების პროცესს უწყობს ხელს და სისავსის შეგრძნებას შეგიმსუბუქებთ.
წყალი, ლიმონი და ჯანჯაფილი - მათი კომბინაცია ნამდვილად დამამშვიდებელ ეფექტს მოახდენს თქვენს კუჭ-ნაწლავზე.
ყაბზობა
შეკრულობის მიზეზი შეიძლება იყოს, როგორც დეჰიდრატაცია, ასევე დაბალბოჭკოვანი დიეტა.
როდესაც ყაბზობის მიზეზი ორგანიზმში სითხის ნაკლებობაა, ლიმონ-ჯანჯაფილის ჩაი დაგეხმარებათ პრობლემის მოგვარებაში. ის მონელების პროცესს აადვილებს და აჩქარებს, შედეგად შეკრულობის უსიამოვნო სიმპტომებისგანაც გათავისუფლდებით.
გულისრევა
ცნობილია, რომ ჯანჯაფილი გულისრევის შეგძნებას ამსუბუქებს, ვინაიდან მას გულირევის საწინააღმდეგო ეფექტი აქვს. საჭიროა დღეში 1-1,5 გრ კოჭას მოხმარება.
ის ეფექტურია ქიმიოთერაპიის შემდგომი გულისრევისას. ლიმონ-ჯანჯაფილის ჩაი უსაფრთხო და ეფექტურია ასევე ორსულთა ტოქსიკოზის დროს.
მეცნიერები აღიარებენ, რომ ჯანგეროლი, რომელიც ჯანჯაფილის შემადგენლობაში შედის ერთ-ერთი ყველაზე ეფექტური მცენარეული ნაერთია, რომელსაც გულისრევის საწინააღმდეგო ეფექტი გააჩნია.
ორგანიზმის ჰიდრატაცია
მცენარეული ჩაი ორგანიზმს ატენიანებს, რაც მნიშვნელოვანია ისეთი ორგანოების სწორი ფუნქციონირებისათვის, როგორებიცაა: თირკმელები, ნაწლავები, გული.
ხშირად საუბრობენ, რომ ადამიანმა დღეში 2-3 ლიტრა წყალი უნდა დალიოს. სინამდვილეში, ყველა ორგანიზმს ინდივიდუალური სითხის რაოდენობა ესაჭიროება და ეს დამოკიდებულია ცხოვრების სტილზე, თუ რას საქმიანობს ადამიანი, იღებს თუ არა რაიმე მედიკამენტს, ან ჯანმრთელობის რა მდგომარეობა აქვს.
გუნება-განწყობილება
ლიმონ-ჯანჯაფილის ჩაი კარგ განწყობაზე დაგაყენებთ. მისი დახმარებით უფრო გონებამახვილები გახდებით და უარყოფითი ემოციებისგან გათავისუფლდებით.
სასარგებლოდ მოქმედებს ჩაის ფინჯნიდან ამოსული ორთქლიც, რომელიც ლიმონის ეთერზეთით არის გაჯერებული, ეს რელაქსაციაში გვეხმარება.
ანთება
ჯინჯეროლს ანთების სწინააღმდეგო და ანტიოქსიდანტური თვისებებიც გააჩნია. პროფილაქტიკის მიზნით მიირთვით ყოველდღიურად ლიმონ-ჯანჯაფილის ჩაი.
გაჭედილი ნესტოები
ლიმონ-ჯანჯაფილის ჩაის ორთქლი გაჭედილ ნესტოებს გაგისუფთავებთ. თბილი ჩაი ყელის ტკივილსაც ამსუბუქებს, იცავს მას ლორწოს დაგროვებისგან.
ასე რომ, ის სასარგებლოა გრიპის, გაციების და სეზონური ალერგიების დროს.
