რატომ უნდა ჩავრთოთ რაციონში "სილამაზის ფაფა"
ქერის ბურღული შეიცავს კალიუმს, კალციუმს, რკინას, მნიშვნელოვან ამინომჟავას ლიზინს, რომელიც ასტიმულირებს კოლაგენის გამომუშავებას. ეს კი სწორედ ის ცილაა, რომელსაც პირდაპირ უკავშირდება ჩვენი გარეგნობა და კანის სიჯანსაღე. სწორედ ამიტომ, ქერის ბურღულს უწოდებენ "სილამაზის ფაფას".
გარდა ამისა, ფაფა მდიდარია ფოსფორით, რაც გულ-სისხლძარღვთა სისტემისათვის შეუცვლელი ელემენტია. ის ასევე წარმოადგენს დიეტურ პროდუქტს, რამეთუ 100 გრამი ქერის ბურღული შეიცავს მხოლოდ 1,1 გ ცხიმს. ამას გარდა, ამ ბურღულეულის მიღება პრაქტიკულად ყველასათვის შესაძლებელია გარდა იმ ადამიანებისა, ვისაც აღენიშნება გლუტენის აუტანლობა.
თუმცა, ქერის ბურღულის ფაფის დიდი რაოდენობით მიღებაც არაა სასურველია, რადგანაც ის ახდენს აირების დაგროვების პროვოცირებას. ასევე არაა რეკომენდებული მისი მიცემა ბავშვებისათვის 3 წლამდე. ქერის ბურღულს ხანგრძლივი, არა ნაკლებ 50 წთ სჭირდება მოსამზადებლად და სჯობს წინა ღამით ჩავალბოთ.