5 შეცდომა, რომელსაც გახდომისას ვუშვებთ
დიეტოლოგების აზრით, ადამიანები, გახდომის დროს, სხვადასხვა შეცდომას უშვებენ, რაც მოქმედებს შედეგზე.
წარმატებული შედეგისათვის აუცილებელია ორგანიზმის ინდივიდუალური თავისებურებების გათვალისწინება: პოპულარული დიეტები და კვების სისტემები ყველასთვის როდია სასარგებლო.
1.
ერთერთი ყველაზე გავრცელებული შეცდომაა პროდუქტის ენერგეტიკული ღირებულების არცოდნა. ადამიანები თითქოსდა სასარგებლო პროდუქტებს ანიჭებენ უპირატესობას- უცხიმო და უშაქრო პროდუქტები. თუმცა მწარმოებლებმა შაქრის რამოდენიმე პროცენტით შემცირებისას, შეიძლება გაზარდონ ცხიმის შემცველობა. ამიტომ მსგავსი პროდუქტების შეძენისას, ყურადღება უნდა მივაქციოთ ეტიკეტს, რადგანაც შეიძლება მივიღოთ არასასურველი კალორიები.
2.
კვების სისტემის რადიკალური ცვლილება - კიდევ ერთი შეცდომაა, როდესაც ადამიანი უარს ამბობს ხორცეულზე და ცილოვან საკვებზე და მხოლოდ სალათებით იკვებება. დიდ ხანს ამგვარ რეჟიმზე ადამიანი ვერ გაძლებს და რამოდენიმე დღის ან კვირის შემდეგ ყველაფერზე ხელს ჩაიქნევს.
3.
ბევრი კი გახდომას ისე ცდოლობს, რომ არ ცვლის კვების ჩვევებს და უბრალოდ ვარჯიშობს.
კალორიული პროდუქტების მიღებას ნულამდე დაჰყავს ფიზიკური აქტივობა.
4.
გახდომისას მნიშვნელოვანია ჩვენი მენტალური მდგომარეობა. ხშირ შემთხვევაში ადამიანებს აღენიშნება ფსიქოლოგიური ან შეტევისმაგვარი ნაყროვანება, რომლის არსიც იმაში მდგომარეობს, რომ ადამიანი სტრესის და ემოციურ ნიადაგზე იწყებს საჭმლის ჭარბად მიღებას, განსაკუთრებით საღამოობით. ეს არის უკვე კვებითი დამოკიდებულება. შედეგი ვერ იქნება სასურველი, თუ ადამიანს აქვს მძიმე სამუშაო, ემოციური გადაძაბვა.
5.
მეხუთე შეცდომაც ფსიქოლოგიას უკავშირდება- როდესაც ადამიანი უარს ამბობს გემრიელ საკვებზე და არ იცის რით ჩაანაცვლოს საჭმლისგან მიღებული სიამოვნება, რაც კარდინალურ შეცდომას წარმოადგენს.
უმჯობესია წონაში დავიკლოთ ექიმის მეთვალყურეობით, რომელიც შეგვიდგენს სწორ რაციონს და მოახდენს კვებისა და ფიზიკური დატვრთვის კორექციას.