ატამი - რატომ უნდა მივირთვათ ზაფხულის ცხელ დღეებში
მისი 7-12% შაქარია, 0,08-1,02% - მჟავა, 0,5-1,2% - პექტინოვანი ნივთიერებები და ვიტამინები. ატმის ზეთს მედიცინაში იმავე დანიშნულებით იყენებენ, როგორითაც ნუშისას, თუმცა ამ უკანასკნელზე გაცილებით იაფია.
ატმის თესლი შეიცავს 55%-მდე უშრობ ცხიმს, ცილებს, ფერმენტ ემულსინს, გლიკოზიდ ამიგდალინს, ეთერზეთს, სტეროიდებს და სხვა ნივთიერებებს, მათ შორის - შხამიანსაც, ასე რომ, თუ დაუმუშავებლად შეჭამთ, შესაძლოა მოიწამლოთ.
თუ ადვილად ცივდებით, ბევრი ატამი უნდა მიირთვათ - დამტკიცებულია, რომ ეს ხილი იმუნიტეტს აძლიერებს. შეგიძლიათ მიირთვათ, როდესაც გნებავთ - საუზმეზე, სადილსა თუ ვახშამზე, მაგრამ მხოლოდ მაშინ, თუ კუჭი არ გაწუხებთ.
თუ ჭარბ წონას უჩივით, ატამს ამ შემთხვევაშიც უნდა ერიდოთ. ატამს სამკურნალო თვისებებიც აქვს. ის აძლიერებს კუჭ-ნაწლავის სეკრეტორულ მოქმედებას, აადვილებს ნოყიერი საკვების მონელებას.
ატმის კომპოტი რეკომენდებულია ღვიძლის, თირკმელებისა და გულ-სისხლძარღვთა დაავადებების დროს.
თუ ჭარბ წონას უჩივით ან შაქრიანი დიაბეტი გაქვთ, ატმის კომპოტი უშაქროდ უნდა მოამზადოთ. გარდა ნაყოფისა, სამკურნალოდ გამოიყენება ატმის ფოთლები, ყვავილები და თესლი. მაგალითად, 3-6 მლ ფოთლის გამონაწურს იღებენ რევმატიზმის, გასტრიტის, ენტერიტის, თავის ტკივილისა და სკლეროდერმიის (კანის გამკვრივების) დროს, ხოლო ახალმოკრეფილ ფოთლებს ჭრილობებზე აწყობენ შეხორცების დასაჩქარებლად.