5 მიკროელემენტი, რომელიც გახდომაში დაგვეხმარება - მკურნალი.გე

რუბრიკები

ოჯახის მკურნალის ანონსი

ივლისი

კითხვა-პასუხი

5 მიკროელემენტი, რომელიც გახდომაში დაგვეხმარება

5 მიკროელემენტი, რომელიც გახდომაში დაგვეხმარება
ქრომი - აქტიურად მონაწილეობს ნივთიერებათა ცვლაში. ის ურთიერთქმედებს ინსულინთან, რაც ორგანიზმს გლუკოზის უკეთ ათვისებაში ეხმარება და ამცირებს შაქრიანი დიაბეტის განვითარების რისკს.

მიკროელემენტი აქტიურად უკავშირდება გახდომის პროცესს. ქრომი აკონტროლებს სისხლში შაქრის დონეს, პასუხისმგებელია გემოვნებით მიდრეკილებებისადმი, განსაკუთრებით ტკბილისა და ცომეული საკვებისადმი ლტოლვაზე. ამგვარად რაც მეტია რაცონში ქრომი, მით ნაკლებია ზოგადად მადა.

მოზრდილისათვის ქრომის სადღეღამისო ნორმა 150 მგ-ია და პრაქტიკულად ჩვენ ვერ ვიღებთ მის ნახევარსაც კი. კვების რეჟიმში ქრომის ჩართვით შეამჩნევთ, რომ:

· ჩაიში და ყავაში ნაკლებ შაქარს იყრით, ნამცხვრები კი საერთოდ აღარ გინდებათ;

· მხნედ ხართ;

· ადვილად უმკლავდებით ფიზიკურ დატვირთვას;

· იკლებთ წონაში



ქრომს შეიცავს: ნიგოზი, ფინიკი, წიწიბურა, ქერი, ფეტვი, მაგარი ყველი, მაწონი, კეფირი, ქათმის ხორცი, ხბოს ღვიძლი, შამპინიონი, ხახვი, კარტოფილი, ბარდა, ლობიო, ალუბალი, მოცვი, ქლიავი, მსხალი, პომიდორი, კიტრი, ყვავილოვანი კომბოსტო, ბროკოლი, ბრიუსელის კომბოსტო, ფორთოხალი და ზღვის
ცხიმიანი თევზი.



კალციუმი - დიეტოლოგები მას გახდომის მსურველთა ყველაზე ძლიერ მოკავშირეს უწოდებენ. კალციუმით მდიდარი საკვების მიღებისას, ორგანიზმი უკეთ მუშაობს, რადგანაც კალციუმი:

· აჩქარებს მეტაბოლიზმს;

· აუმჯობესებს უჯრედებს შორის ნივთიერებათა ცვლის პროცესს;

· აქვეითებს ნერვული უჯრედების აღგზნებადობას;

· ამცირებს კუნთების სპაზმს;

· აუმჯობესებს სისხლის მდგომარეობას, აწესრიგებს მის შედედებას;

· აქვეითებს ქოლესტერინს;

· აუმჯობესებს თირკმელზედა და ფარისებრი ჯირკვლის მუშაობას.

კალციუმის დონის შესანარჩუნებლად არა მარტო ამ მიკროელემენტით მდიდარი საკვები უნდა მივიღოთ არამედ შევზღუდოთ მარილისა და კოფეინის მიღება, რომელიც ხელს უწყობს მის "გამორეცხვას" და რაოდენობის შემცირებას.

კალციუმს შეიცავს: ქუნჯუთი, კურაგა, ნიგოზი, არაქისი, ქიშმიში, კომბოსტო, ოხრახუში, ისპანახი, ნიახური, მწვანე ხახვი, სტაფილო, კარტოფილი, რძის პროდუქტები, ყველი, კვერცხი, ზღვის პროდუქტები.



მაგნიუმი - ხელს უწყობს ჭარბი წონის კლებას, რადგანაც ზრდის ორგანიზმის უჯრედების მიერ ჟანგბადის შთანთქმის უნარს, რითაც აჩქარებს გლუკოზის ცვლასა და მეტაბოლიზმს. მაგნიუმი დაუმატეთ რაციონს და თქვენ:

· მოგიწესრიგდებათ გულის რითმი;

· დაგიქვეითდებათ სისხლში შაქრის დონე;

· გაგიუმჯობესდებათ სუნთქვა,

· შემცირდება პოსტმენოპაუზის სინდრომის გამოვლინებები;

· გაგიუმჯობესდებათ კბილების მდგომარეობა


რკინა - ამ ელემენტს უდიდესი დადებითი როლი ენიჭება სისხლის მიმოქცევის სისტემის ფუნქციონირებისათვის. ის აქტიურად მონაწილეობს ჰემოგლობინის წარმოქმნაში, აძლიერებს იმუნიტეტს, და შედის სასიცოცხლოდ მნიშვნელოვან ფერმენტების შემადგენლობაში. რკინა:

  • უზრუნველყოფს ქსოვილებს ჟანგბადით;
  • აჩქარებს მეტაბოლიზმს;
  • შლის ჟანგვით პროდუქტებს;
  • ხელს უწყობს ფარისებრი ჯირკვლის ჰორმონების ნორმალურ გამომუშავებას;
  • აწესრიგებს ტვინის აქტივობას,
  • აძლიერებს იმუნიტეტს.

რკინით მიდადარია: ღვიძლი, ხორცი, ფეტვი, ბროწეული, ვაშლი, გარგარი, ჩირი.


კალიუმი - ჭარბ წონასთან ბრძოლისას, მნიშვნელოვანია დაბალანსებული რაციონის შერჩევა, რათა მენიუში იყოს კალიუმით მდიდარი პროდუქტები. მისმა დეფიციტმა შეიძლება გამოიწვიოს ცელულიტი, შეშუპება, კუჭ-ნაწლავის ტრაქტის დისფუნქცია, რაც გახდომის პროცესს დაამუხრუჭებს. რეგულარული ფიზიკური დატვირთვისას, ორგანიზმს მეტი კალიუმი ესაჭიროება. კალიუმი:

· აუმჯობესებს ნერვული სისტემის მუშაობას;

· ზრდის კუნთების ტონუსს;

· ამცირებს შეშუპებას;

· გამოჰყავს დაგროვებული ტოქსინები;

· ფერმენტების წყალობით, საკვები უკეთ და ხარისხიანად გადამუშავდება;

· წესრიგდება არტერიული წნევა.

კალიუმს შეიცავს: ჩირი, ბანანი, გარგარი, ნიგოზი, ისპანახი, შავი მოცხარი.
გააკეთეთ კომენტარი
კომენტარი არ გაკეთებულა
კატეგორიის სხვა სტატიები
მწვანე ვაშლის ჭამა არაა რეკომენდებული მათთვის, ვისაც აქვს პანკრეატიტი ან ნაღვლის გამომტანი გზების დისკინეზია,
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
საკვების მონელების პროცესის ამა თუ იმ რგოლის მოშლისას,
არსებობს უამრავი კოსმეტიკური პროდუქტი, რომლებიც მსხლის ინგრედიენტებსაც შეიცავს.
მზის მცხუნვარე სხივები უარყოფითად მოქმედებს თმის სიჯანსაღესა და შესახედაობაზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად