საკვები, რომელიც აუმჯობესებს რკინის შეწოვას - რჩევები რკინადეფიციტური ანემიის დროს - მკურნალი.გე

რუბრიკები

ოჯახის მკურნალის ანონსი

ივნისი 2021

კითხვა-პასუხი

საკვები, რომელიც აუმჯობესებს რკინის შეწოვას - რჩევები რკინადეფიციტური ანემიის დროს

საკვები, რომელიც აუმჯობესებს რკინის შეწოვას - რჩევები რკინადეფიციტური ანემიის დროს
რკინით მდიდარი საკვები რკინადეფიციტური ანემიის პროფილაქტიკისთვის აუცილებელია, მაგრამ როცა უკვე ანემიაა განვი-თარებული, რაციონის რკინით გამდიდრება საკ-მარისი არ არის. საკვების მეშვეობით ადამიანმა შეიძლება მიიღოს მხოლოდ ცხოველმყოფელობისთვის საჭირო რკინის ყოველ-დღიური ულუფა.

ხორციდან რკინის 10-20% შეიწოვება, მცენარეული საკვებიდან - მხოლოდ 1-5%. გარდა ამისა, რკინის შეწოვა დამოკიდებულია საკვებში ხელშემწყობი და ხელშემშლელი ნივთიერებების (ინჰიბიტორების) შემცველობაზეც. რკინის ბიოათვისებადობა შეიძლება გა­უ­მჯობესდეს რაციონის ისეთი ცვლილებით, რომელიც ითვალისწინებს შეწოვის ხელშემწყობ ნივთიერებათა ოდენობის მომატებას, ინჰიბიტორების შემცირებას ან
ორივეს ერთად.

რკინის შეწოვას აფერხებს:

ფიტატები - მარცვლეული, ბურღულეული, მაღალი ექსტრაქციის ფქვილი, თხილეული, ჩაი,
ყავა, კაკაო, მცენარეული ნაყინი, სანელებლები და ზოგიერთი ბოსტნეული;

კალციუმი - რძე, რძის ნაწარმი (ხაჭო, ყველი).

რკინის შეწოვას ხელს უწყობს:

ჰემური რკინა, რომელსაც შეიცავს საქონლისა და შინაუ­რი ფრინველიც (ქათმის, ინდაურის) ხორცი, თე­ვ­ზი დაზღვის პროდუქტები;

ასკორბინის მჟავა - C ვი­ტ­ამინი, რომელიც მოიპოვება ხი­ლში, კარტოფილსა და ზოგიერთ გორგლოვან
ბოსტნეულში, აგრეთვე - პარკოსნებსა და კომბოსტოში;

რკინითა და ვიტამინებით გამდიდრებული სურსათი.


კვების სტილის ცვლილებები, რომლებიც რკინის შეწოვას აუმჯობესებს:


ჩაის, ყავის დალევა ჭამიდან 1-2 საათის შემდეგ - ამ დროს საკვები კუჭში აღარ არის და ეს პროდუქტები რკინის შეწოვას ვეღარ შეაფერხებს;

რძის, ყველის მიღება ჭამიდან ჭამამდე, შუალედში;

სხვა საკვებთან ერთად C ვიტამინით მდიდარი პროდუქტების მიღება;

რკინითა და ვიტამინებით ფორტიფიცირებული პროდუქტების მიღება.


არაორგანული რკინის ათვისებას ასევე ხელს უწყობს:

ასკორბინის მჟავა (C ვიტამინი);

რძემჟავა ნაწარმი - მაწონი, იოგურტი, კეფირი, ხაჭო.

არაორგანული რკინის ათვისებას აფერხებს:

სოიის ცილა;

ჩაი;

ყავა;

პარკოსნები.

ზოგიერთი მცენარეული პროდუქტი რკინას დიდი ოდენობით შეიცავს, მაგრამ ორგანიზმის მოთხოვნილებას ვერ აკმაყოფილებს, ამიტომ ვაშლი, ბროწეულის წვენი, წიწიბურა და სხვა ამგვარი საკვები, რამდენიც არ უნდა მივიღოთ, ამაოა. საზოგადოდ კი ანემიის (არა რკინადეფიციტურის) დროს მედიკამენტურ თერაპიასთან ერთად რეკომენდებულია დიეტოთერაპიაც. სასურველია ცხიმის ზომიერად - 70-80 გრამამდე - შემცირება, რადგან ანემიის დროს ხშირად შეინიშნება ცვლილებები ღვიძლში, აგრეთვე - ძვლის ტვინის გაცხიმოვნება, ცხიმები კი, ჩვეულებრივ, სისხლწარმოქმნას თრგუნავს.

უპირატესობა უნ­და მივანიჭოთ ადვილად ასათვ­ისებელ ცხიმებს - რძისას, მზესუმზირასას და, საზოგადოდ, მცენარეულს. საკვები რაციონი უნდა გავამდიდროთ ლიპოტროპული (ცხიმისმაგვარი) მოქმედების პროდუქტებით, რომლებიც გაცხიმოვნებისგან დაიცავს ღვიძლსა და ძვლის ტვინს.

ყოველდღე ან დღეგამოშვებით უნდა მივირთვათ 100 გრამი ღვიძლი, რაციონს უნდა დავუმატოთ საფუვრიანი კერძები. ვსვათ საფუვრის სასმელი (ავიღოთ 50-100 გ საფუარი, გავხსნათ 500-700 მლ წყალში და წამოვადუღოთ). სისხლწარმოქმნაში მონაწილე მიკროელემენტები - რკ­ინა, კობალტი, თუთია, მანგანუმი - ორგანიზმში ღვიძლის, ხორცის, ფილტვების, კვერცხის, ხიზილალის, საფუვრისა და სოკოს, ხორბლის ფქვილისა და წიწიბურას, ხილისა და ბოსტნეულის მეშვეობით აღწევენ. ანემიის დროს მადა ხშირად სუსტდება, რაც კუჭის სეკრეტორული (გამომყოფი) ფუნქციის გაუარესებით აიხსნება.

მადის გასაუმჯობესებლად ექიმები ხშირად ხორცის, თევზის, სოკოსა და ბოსტნეულის ნახარშებს ურჩევენ პაციენტს. ნებადართულია რუხი და თეთრი პური, მჭლე ხორცი, თევზი, ღვიძლი, ფილტვები, ხაჭო, წიწიბურა, კვერცხი, სოკო, ხილი, ბოსტნეული, კარაქი და ზეთი, ასკილი, შავი მოცხარი, ციტრუსები. სასურველია შეიზღუდოს: ჩაი, ფქვილი, მოხარშული რძე, ყველი, კაკაო, შოკოლადი, მჟაუნა. ანემიის დროს აუცილებელია რაციონის გაჯერება კალორიული, რკინითა და ჩ ვიტამინით მდიდარი პროდუქტებით.


რეკომენდებულია ბევრი კარაქი, ნაღები და რძე. ძალზე სასარგებლოა ხორბლისა და წიწიბურას ფაფები, გოგრა, ღვიძლი (განსაკუთრებით - ბოცვრისა). რაციონში უნდა შედიოდეს აგრეთვე კარტოფილი და პარკოსნები, ხახვი, ნიორი, ბადრიჯანი, ნესვი, კამა, შტოში, ლიმონი, ფორთოხალი, გარგარი, ალუბალი, სიმინდი, მსხალი

გააკეთეთ კომენტარი
კომენტარი არ გაკეთებულა
დიეტოლოგია
ჭარბი წონის მიზეზებსა და პრობლემის გადაჭრის მეთოდებზე გვესაუბრება კლინიკა "ენმედიცის" წამყვანი ენდოკრინოლოგი, პროფესორი მაია ჩიქობავა.
კატეგორიის სხვა სტატიები
თუ უარს ვამბობთ ცომეულზე, ტკბილეულზე, მკაცრად ვზღუდავთ მიღებული კალორიების რაოდენობას,
ჭარბი წონის მიზეზებსა და პრობლემის გადაჭრის მეთოდებზე გვესაუბრება კლინიკა "ენმედიცის" წამყვანი ენდოკრინოლოგი, პროფესორი მაია ჩიქობავა.
აღმოსავლეთ ინგლისის უნივერსიტეტში შეისწავლეს კვების შეზღუდული რეჟიმის გრძელვადიანი ეფექტი შორეულ შთამომავლობაზე.
როდის აღმოცენდება დაბუჟება და ტკივილი კეფის მიდამოში
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად