მეცნიერების აზრით, ყავა სიკვდილისგან გვიცავს
რეგულარული მიღება აქვეითებს ნაადრევი სიკვდილის რისკს, განსაკუთრებით მათთან ვინც გადაიტანა გულის შეტევა. გაკეთდა 46000-ზე მეტი იაპონელის მონაცემის ანალიზი. ექსპერტები აფიქსირებდნენ ჩაის და ყავის მოხმარებას ასევე ჯანმრთელობის ზოგად მდგომარეობას და გარდაცვალების ფაქტებს.
აღმოჩნდა, რომ სიკვდილის რისკი, კვირაში თუნდაც ერთი ფინჯანი ყავის მიღებისას, მცირდებოდა 14%. მათთან, ვისაც გადატანილი ჰქონდა გულის შეტევა, რისკი 22%-ით უფრო დაბალი იყო. ერთადერთი ჯგუფი, რომელმაც ყავის მოხმარებით ვერ მიიღო დადებითი შედეგი, იყო ინსულტგადატანილი ადამიანების ჯგუფი. აღნიშნული ჯგუფისთვის სასარგებლო აღმოჩნდა მწვანე ჩაი. დღეში მინიმუმ 7 ფინჯანის მიღება ნაადრევი სიკვდილის რისკს 62%-ით ამცირებდა. მათთვის, ვისაც ინსულტი გადატანილი არ ჰქონდა, მწვანე ჩაის განსაკუთრებული სარგებელი არ მოჰქონდა.
ჩაის და ყავას მოიხმარდნენ როგორც წესი, უშაქროდ და რძის გარეშე. ცნობილია, რომ ყავა და ჩაი (ყველა სახის) მდიდარია აქტიური ნაერთებით. ჩაი აქვეითებს წნევას ფლავანოლების შემცველობის ხარჯზე. ყავაში ბევრი ანტიოქსიდანტური ნივთიერებაა, რომლებიც ხსნიან ანთებას და აქვეითებენ გულის დაავადებების განვიათრების რისკს.
ყავა და ჩაი შეიცავს გარკვეული რაოდენობით კოფეინს, რომელიც ჯანმრთელობისთვის სასარგებლოა. კოფეინი წარმოადგენს ენერგიის მუხტს და ხელს უწყობს ჯანსაღ ცვლით პროცესებს. თუმცა, დიდი დოზების შემთხვევაში, მან შეიძლება გამოიწვიოს ტრემორი და ღებინება (უსაფრთხო ლიმიტია დღეში 5 ფინჯანი ყავის მიღება).