დიეტოლოგები ყავის ალტერნატივას ეძებენ - მკურნალი.გე

რუბრიკები

ოჯახის მკურნალის ანონსი

ივნისი 2021

კითხვა-პასუხი

დიეტოლოგები ყავის ალტერნატივას ეძებენ

დიეტოლოგები ყავის ალტერნატივას ეძებენ
ყავა ცნობილია, როგორც მრავალი სასარგებლო ნაერთებით მდიდარი სასმელი, თუმცა ის ყველასათვის ნაჩვენები არ არის. სპეციალისტები ალტერნატივის მოძებნისკენ მოგვიწოდებენ. კერძოდ ყავა ჩავანაცვლოთ პროდუქტებით, რომლებიც ამ აქტიურ ნივთიერებებს შეიცავენ. განსაკუთრებით სასარგებლოა ყავის მარცვლებში არსებული ორი ნაერთი- კოფეინის მჟავა და ქლოროგენის მჟავა.

კოფეინის მჟავა არის ასევე ფინიკში, შავ ქლიავში, ზეთისხილში, კარტოფილში, მუსკატის კაკალში, კოჭაში, პიტნაში, ორეგანოში, სალბსა და როზმარინში. ქლოროგენის მჟავას შეიცავს შავი ქლიავი, მოცვი, ვაშლი, მსხალი, ატამი, არტიშოკი, კარტოფილი, მზესუმზირა, პიტნა, სალბი და ორეგანო.

კვლევები აჩვენებს, რომ კოფეინის და ქლოროგენის მჟავა მოქმედებს იმ
სასიგნალო გზებზე, რომლებიც ხელს უწყობს ქრონიკული დაავადებების, მათ შორის კიბოს განვითარებას. ნაერთები ხელს უშლის კიბოს განვითარებას, ანეიტრალებს თავისუფალ რადიკალებს. ამას გარდა, თაგვებზე ჩატარებულმა ექსპერიმენტებმა აჩვენა, რომ კოფეინის მჟავა და ქლოროგენის მჟავა თრგუნავ
და ჭამის შემდეგ, სისხლში შაქრის დონის მომატების პროცესს.

სხვა სასარგებლო ნაერთებიდან ყავაში არის კვერცეტინი და გლუკოზინოლატი. კვერცეტინის ნაერთი ყვავილებს, ხილსა და ბოსტნეულს გარკვეულ ფერს ანიჭებს. კვერცეტინი მცენარეს ადგილობრივ პირობებთან ადაპტაციაში ეხმარება და არეგულირებს მის ზრდა განვითარებაზე მოქმედ ჰორმონებს. კვერცეტინის წყაროა კაკაო, შტოში, წიწიბურა, შავი ქლიავი, პარკოსნები, ქლიავი, ვაშლი, წითელი ხახვი, მაყვალი, ჟოლო, ბროკოლი, წითელი ღვინო, მწვანე ლობიო, ორეგანო, მაიორანი, მიხაკი. კვერცეტინს გააჩნია ანთების საწინააღმდეგო, ანტიოქსიდანტური და კიბოს საწინააღმდეგო მოქმედება. ის აფერხებს კიბოს უჯრედების განვითარებას, ზრდასა და გავრცელებას, ანადგურებს მათ და აქვეითებს არტერიულ წნევას.

გლუკოზინოლატები მცენარეებს სპეციფიკურ სუნს ანიჭებენ. მას შეიცავს ბროკოლი, ბრიუსელის კომბოსტო, კომბოსტო, ყვავილოვანი კომბოსტო, ვასაბი, რუკოლი, მდოგვი. გლუკოზინოლატის ბიოაქტიურობა მცენარეებს დაავადებებისაგან და მავნე მწერებისაგან იცავს.
გააკეთეთ კომენტარი
კომენტარი არ გაკეთებულა
დიეტოლოგია
ჭარბი წონის მიზეზებსა და პრობლემის გადაჭრის მეთოდებზე გვესაუბრება კლინიკა "ენმედიცის" წამყვანი ენდოკრინოლოგი, პროფესორი მაია ჩიქობავა.
კატეგორიის სხვა სტატიები
თუ უარს ვამბობთ ცომეულზე, ტკბილეულზე, მკაცრად ვზღუდავთ მიღებული კალორიების რაოდენობას,
ჭარბი წონის მიზეზებსა და პრობლემის გადაჭრის მეთოდებზე გვესაუბრება კლინიკა "ენმედიცის" წამყვანი ენდოკრინოლოგი, პროფესორი მაია ჩიქობავა.
აღმოსავლეთ ინგლისის უნივერსიტეტში შეისწავლეს კვების შეზღუდული რეჟიმის გრძელვადიანი ეფექტი შორეულ შთამომავლობაზე.
ბრიტანეთის კვების სამეცნიერო-საკონსულტაციო კომიტეტი ტიპი 2 შაქრიან დიაბეტთან ბრძოლას გვირჩევს
კვება წარმოადგენს ლიბიდოს გაუმჯობესებაზე მოქმედ მნიშვნელოვან ფაქტორს.
როდის აღმოცენდება დაბუჟება და ტკივილი კეფის მიდამოში
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად