ნაადრევი დაბერების მიზეზი შეიძლება ადამიანის კვების რაციონი იყოს
ეს დასკვნა გაკეთდა 51-91 წლის ასაკის 886 ადამიანის დნმ-ისა და ჯანმრთელობის მდგომარეობის ანალიზის საფუძველზე. კვლევა საშუალებას იძლეოდა შეფასებულიყო ადამინების რაციონი და მათი ტელომერების სიგრძე. ეს უკანასკნელი წარმოადგენს ქრომოსომების დამცავ ბოლო უბანს, რომელთა სიგრძეც მეტყველებს სხეულის რეალურ ბიოლოგიურ ასაკზე.
ულტრადამუშავებული საკვები პროდუქტების (ტკბილი სასმელები, ხორცის პროდუქტები, გემოს დანამატები, კონსერვანტები, ცხიმები და შაქრები) გამოყენების სიხშირის მიხედვით სპეციალისტებმა ადამიანები ოთხ ჯგუფად დაყვეს- დაბალი, საშუალოდ დაბალი, საშუალოდ მაღალი და მაღალი მოხმარება.
აღმოჩნდა, რომ მათ, ვინც სხვაზე მეტად მოიხმარდნენ მავნე პროდუქტებს, ყველაზე მოკლე ტელომერები ჰქონდათ. სავარაუდოდ ამის მიზეზია ის, რომ მავნე პროდუქტები იწვევს ანთებას და იმუნიტეტის დარღვევას, რითაც ჩქარდება დაბერების პროცესი.