რა უნდა გაითვალისწინონ საზამთროს მოყვარულებმა
რა უნდა იცოდეთ ამ სასარგებლო პროდუქტის შესახებ და რა უნდა გაითვალისწინოთ:
საზამთროში უხვადაა მიკროელემენტები, რკინა, მაგნიუმი, ფოსფორი, კალიუმი და ფოლიუმის მჟავა. ის მდიდარია აგრეთვე ლიკოპინით – ძლიერი ანტიოქსიდანტით, რომელიც იცავს სისხლძარღვებს ათეროსკლეროზისაგან, ეხმარება მხედველობის სიმახვილის შენარჩუნებას, კეთილისმყოფელ გავლენას ახდენს პროსტატის ფუნქციობაზე, რაც ასე მნიშვნელოვანია ძლიერი სქესის წარმომადგენელთათვის. გარდა ამისა, საზამთრო ციტრულინის წყაროა - ამინმჟავისა, რომელიც განსაკუთრებულად სასარგებლოა გულისა და სისხლძარღვებისათვის.
საზამთროს აქვს ძლიერ გამოხატული შარდმდენი ეფექტი, ამიტომაც მისმა ჭარბად მიღებამ შესაძლოა გულის რიტმის დარღვევის პროვოცირება მოახდინოს.
საზამთროს ჭამა რეკომენდებულია ცალკე კვების სახით და არა ჩაროზად ამა თუ იმ საკვების (მით უფრო მასთან შეუთავსებელი პროდუქტების) მიღებისთანავე.
მაქსიმალური ულუფა 200-300 გრამია (ერთ მიღებაზე).
არ არის სასურველი საზამთროს ჭამა ვახშმად, მადას აღვივებს.