7 პროდუქტი რომელიც ფარისებრი ჯირკვლის მშველელია - მკურნალი.გე

რუბრიკები

ოჯახის მკურნალის ანონსი

იანვარი 2020

7 პროდუქტი რომელიც ფარისებრი ჯირკვლის მშველელია

7 პროდუქტი რომელიც ფარისებრი ჯირკვლის მშველელია
ქართველების უმრავლესობას იოდის ნაკლებობა აქვს. ის არ სინთეზირდება ორგანიზმში და ადამიანმა უნდა მიიღოს საკვებთან ერთად დღეში 150 მკგრ-ის ოდენობით. თუმცა ამ დოზის მისაღებად საკმარისი არაა იოდის შემცველი პროდუქტების ჭამა, საჭიროა მათი სწორი მიღება.

იოდის შემცველი პროდუქტების მიღება შემდეგ ბოსტნეულთან ერთად არაა რეკომენდებული:

ყვავილოვანი კომბოსტო;

თალგამი;

ბოლოკი;

მდოგვი;

სოიო,

თალგამურა;

ამ პროდუქტებში არსებული ნივთიერებები ბლოკავს იოდის შეწოვას. იოდის კარგად ასათვისებლად და ფარისებრი ჯირკვლის გამართულად მუშაობისთვის საჭიროა სრულფასოვანი ცილის საკმარისი რაოდენობით მიღება. ორგანიზმს უნდა მიეწოდოს მარგანეცი, კობალტი, სელენი, სპილენძი, რაც ასევე ხელს უწყობს
იოდის შეწოვას.

იოდით ორგანიზმის მომარაგებას ხელს უწყობს იოდიზირებული მარილიც. გაცხელებისას იოდი ორთქლდება, ამიტომ მზადების პროცესში მარილის დამატება უაზრობაა.

ვირთევზას ღვიძლი

იოდის დღიურ ნორმას შეიცავს 43 გრამი ღვიძლი. მასში ასევე ბევრია ცხიმოვანი მჟავები ომეგა-3, D, E და C ვიტამინები.

წითელი ხიზილალა

იოდის დღიურ ნორმას შეიცავს 50
გრამი ხიზილალა.

წითელი ხიზილალის ცილა ხორცის და რძის ცილაზე უკეთ აითვისება. გარდა ამისა, წითელი ხიზილალა დიდი რაოდენობით ადვილად ასათვისებელი ფორმის იოდს შეიცავს. იოდის ათვისებას ხელს უწყობს ვიტამინები და მიკროელემენტები: ფოსფორი, კალიუმი, რკინა, А, D, E ვიტამინები.

კრევეტები

იოდის დღიურ დოზას შეიცავს 79 გრამი კრევეტები. ყველაზე მეტად ზღვის პროდუქტებიდან კრევეტები შეიცავს იოდს. ის ასევე შეიცავს სასარგებლო ანტიოქსიდანტს ასტაქსანტინს, რომელიც ძალიან ეფექტურად ებრძვის თავისუფალ რადიკალებს, აუმჯობესებს ტვინისა და ცენტრალური ნერვული სისტემის მუშაობას.

ხეკი

დღიურ დოზას შეიცავს თევზის 93 გრამი. ამ ნაკლებად პოპულარულ თევზში არის იშვიათი და სასიცოცხლოდ მნიშვნელოვანი B12, D და PP ვიტამინები. ხეკში ბევრია ფოსფორი, გოგირდი, კალიუმი, ქრომი და კობალტი.

ზღვის კომბოსტო

დღიურ დოზას შეიცავს 70-100 გრამი პროდუქტი. მასში პრაქტიკულად არ არის ცხიმები და ნახშირწყლები, კალორიულობა კი მხოლოდ 25 კკალ 100 გრამ პროდუქტზე. გარდა ამისა, ზღვის კომბოსტო შეიცავს A, E, C, B ჯგუფის ვიტამინებს, რკინასა და მაგნიუმს.

ფეიხოა

დღიურ დოზას შეიცავს 214 გრამი პროდუქტი. იგი გაჯერებულია სასარგებლო ნივთიერებებით, მდიდარია С, Е, РР, В ჯგუფის ვიტამინებით, მიკროელემენტებით, პექტინებით, ფლავონოიდებით, უჯრედისით, ორგანული მჟავებით, მათ შორის ვაშლის, ლიმონის, ასევე 5 შეუცვლელი ამინომჟავით.

ხურმა

დღიურ დოზას შეიცავს 500 გრამი ხურმა, იგი გემრიელი და ბევრისთვის საყვარელი ხილია. მასში ასევეა მაგნიუმი, ნატრიუმი, რკინა, A, C და PP ვიტამინები.

ლალი ჩხიკვაძე
გააკეთეთ კომენტარი
კომენტარი არ გაკეთებულა
დიეტოლოგია
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
კატეგორიის სხვა სტატიები
რეკომენდებული ნორმების თანახმად, ჯანმრთელმა ადამიანმა დღეში 400-500 გრამი ხილი და ბოსტნეული უნდა მიიღოს. ასაკთან ერთად ხშირად აღინიშნება
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
გვიანი შემოდგომასა და ზამთარში იმუნიტეტის შენარჩუნებასა და დაავადებისაგან დაცვაში სწორი კვება დაგვეხმარება.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
საახალწლო დღესასწაული განსაკუთრებულად ბავშვებს ახარებთ, რადგან ამ დღეებში ისინი, თამამად შეიძლება ითქვას,
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად