მზესუმზირას ჰალვა სასარგებლო ჩაროზი - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

მზესუმზირას ჰალვა სასარგებლო ჩაროზი

მზესუმზირას ჰალვა სასარგებლო ჩაროზი
ჰალვა, საზოგადოდ, აღმოსავლური ნუგბარის ერთ-ერთი სახეობაა, რომელიც ნიგვზისა და სხვადასხვა თესლისაგან მზადდება, მაგალითად, მზესუმზირას, მიწის თხილის (იგივე არაქისის) და სხვა. მას ცხიმოვანი შრეობრივი სტრუქტურა და სხვადასხვა სისქის გრძელი ბოჭკოები აქვს.

მზესუმზირას ჰალვა მწიფე მზესუმზირას თესლების არომატითა და გემოთი გამოირჩევა. განსაკუთრებით ფართოდ არის ის გავრცელებული აღმოსავლეთ ევროპის ქვეყნებში, ყირიმსა და კავკასიაში.

მზესუმზირას ჰალვა მდიდარია ცილებით, ცხიმებითა და ნახშირწყლებით. მისი კალორიულობა 100 გრამ პროდუქტზე 523 კილო კალორიაა. აღნიშნული სახის ჰალვა შეიცავს მზესუმზირას თესლებს, შაქარს და ქაფის წარმომქმნელს. მდიდარია ისეთი ბოჭკოებით, რომლებიც კეთილისმყოფელ გავლენას
ახდენს საჭმლის მომნელებელ ტრაქტზე. პროდუქტში წარმოდგენილია B ჯგუფის პრაქტიკულად ყველა ვიტამინი, რომლებიც ნერვული სისტემის ფუნქციობის, კანისა და ფრჩხილების ჯანმრთელობისათვის არის უმნიშვნელოვანესი.

ჰალვაში ასევე უხვადაა:

  • ვიტამინი, რომელიც სისხლში ქოლესტერინის დონეს აქვეითებს;
  • მინერალური ნივთიერებები, როგორებიცაა კალიუმი, მაგნიუმი, ფოსფორი და ნატრიუმი, რომლებიც აუცილებელია გულ-სისხლძარღვთა სისტემის დაავადებათა საპროფილაქტიკოდ და იმუნიტეტის გასაძლიერებლად;
  • მცენარეული ცხიმები, რომლებიც პოლიუჯერ ცხიმოვან მჟავებს შეიცავს და სასარგებლოა კანისა და მისი დანამატების (ფრჩხილები, თმა) სიჯანსაღისთვის.

საყურადღებოა, რომ მზესუმზირას ჰალვა შეიცავს ბევრ შაქარს, მარტივ ნახშირწყლებს, რომელთა დაწვაც (გახარჯვაც) აუცილებელია და რასაც მარტივად ახერხებენ გონებრივი თუ ფიზიკური დატვირთვის მქონენი, წინააღმდეგ შემთხვევაში, ჭარბი წონის დაგროვება გარდაუვალია.

ჰალვა, იმავდროულად, ალერგიული პროდუქტიცაა, ამიტომაც ალერგიულმა პირებმა ის სიფრთხილითა და მცირე ულუფებით უნდა მიირთვან. ჰალვის ჯანმრთელობისათვის სასარგებლო დღეღამური დოზა 20-30 გრამია.


როგორ შევარჩიოთ და შევინახოთ ჰალვა


სადღეისოდ მწარმოებლები მზესუმზირას ჰალვას ნატურალური სახით და სხვადასხვა დანამატით გვთავაზობენ. დანამატებად ჰალვაში ხშირად არის ვანილი, შოკოლადი, თხილი, ჩამიჩი (იგივე ქიშმიში, ყურძნის ჩირი). ნებისმიერი სახის ჰალვა ახალი უნდა იყოს, ამისათვის სასურველია მისი ქარხნული ვაკუუმშეფუთვით შეძენა, რომელსაც შესაბამისი ვადები ექნება მითითებული. გახსნილი ჰალვა გადაიტანეთ მინის ჭურჭელში, რომელსაც ჰერმეტული სახურავი ექნება და მოათავსეთ მაცივარში. მომწარო სუნის გაჩენისთანავე ჰალვა გადააგდეთ, ის საკვებად უვარგისია.

გახსოვდეთ, მზესუმზირას ჰალვა დამოუკიდებელი ჩაროზია, თაობათა საყვარელი ნუგბარი, მეტად სასარგებლო პროდუქტი, თუმცა - ზომიერად!
გააკეთეთ კომენტარი
კომენტარი არ გაკეთებულა
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
ინდოელმა სპეციალისტებმა გამოარკვიეს, როგორია ნაბახუსევზე იდეალური საშუალება,
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
ბლოგერი დეა სულუაშვილი, რომელიც ბოლოს 4 წელია მადრიდში სწავლობს და ცხოვრობს,
სოკო ანტიოქსიდანტების წყაროა. ბოლო კვლევებით გაირკვა, რომ სოკო, განსაკუთრებით მისი ზოგიერთი ველური ჯიში,
თამბაქოს კვამლი ასუსტებს იმუნურ სისტემას, აქვეითებს ამ უკანასკნელის უნარს ამოიცნოს და გაანადგუროს გადაგვარებული უჯრედები.
უმარილო მიწის თხილი არტერიებისთვისაა სასარგებლო. ერთი მეოთხედი ჭიქა არაქისი შეიცავს იმდენივე მონოუჯერ
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად