რა საფრთხეს შეიცავს მორთულ-მოკაზმული ნამცხვრები
მორთულ-მოკაზმული, მართლაც მადის აღმძვრელია.
თუმცა, ექსპერტები გვაფრთხილებენ, მოვერიდოთ ბრჭყვიალა და ფერადი გაფორმებებით დამშვენებულ საკონდიტრო ნაწარმს. მართალია, არსებობს საკვებად დაშვებული ბრჭყვიალებიც და სხვადასხვა გასაფორმებელი საშუალებებიც, მაგრამ საკონდიტრო ნაწარმი ზოგჯერ მავნე ნივთიერებებსაც შეიცავს. ამიტომაც, პროდუქციის შეძენამდე უმჯობესია საფუძვლიანად შევისწავლოთ, გულდასმით გავეცნოთ შეფუთვაზე მითითებულ წარწერას.
ჩვეულებრივ, ე.წ. საკვები დეკორი კეთდება შაქრის, მალტოდექსტრინის, სიმინდის სახამებლისა და საკვები საღებავებისგან, თუმცა, ჩამოთვლილის გარდა, თანამედროვე საკონდიტრო წარმოება უამრავ სხვა კომპონენტსაც იყენებს.
მედიკოსები გვირჩევენ, მეტი ყურადღება დავუთმოთ არა საკვების, მათ შორის ნამცხვრების მორთულობას, არამედ შემადგენლობას და შესაბამისად, სარგებლობას. რადგან ბევრი ინგრედიენტი, განსაკუთრებით მოსაკაზმად გამოყენებული, იწვევს თავის ტკივილს, ახდენს შაკიკის პროვოცირებას, მავნებელია ღვიძლისა და თირკმელებისთვის, რომ აღარაფერი ვთქვათ სხვადასხვა ალერგიული რეაქციის გამოწვევაზე.
თინათინ გოცაძე