ლანჩის იდეები, რომელიც თქვენს ყოველკვირეულ კვების რაციონს ჯანსაღად და სასარგებლოდ აქცევს
თუმცა დღეს ჯანსაღად კვება საკმაოდ რთულია. დასაქმებული ადამიანების დიდი ნაწილი დილით სრულფასოვნად ვერ საუზმობს და ბევრი სამსახურში ჯანსაღი ლანჩის მირთმევასაც ვერ ახერხებს. სამუშაო დღის შემდეგ სახლში ვახშმის მომზადებაც არ არის ადვილი საქმე. სწორედ ეს არის ის მიზეზები, რის გამოც დღეს დასაქმებული ადამიანების დიდი ნაწილი კვების სწორი რეჟიმის დაცვას ვერ ახერხებს.
საკვები რაციონი აუცილებლად დაბალანსებული უნდა იყოს. ძალიან მნიშვნელოვანია, რომ არ გამოტოვოთ საუზმე. თუმცა არანაკლებ მნიშვნელოვანია მსუყე და ჯანსაღი ლანჩი, რომელიც წინაპირობაა იმისა, რომ საღამოს ძალიან მშიერი არ იქნებით და შეძლებთ შედარებით მსუბუქად ივახშმოთ. ნუტრიციონისტების რჩევით სასურველია თუ კვირაში 3-ჯერ ხორციან კერძს მიირთმევთ, 2-ჯერ კი თევზს. არ უნდა დაგავიწყდეთ ბოსტნეული, რომელიც თქვენი ყველდღიური რაციონის განუყრელ ნაწილად უნდა აქციოთ. კაფეების ქსელი Mr.Cook, რომელიც მომხმარებელს უზეთოდ, ორთქლზე მომზადებულ კერძებს სთავაზობს, წარმოგიდგენთ 7 სახეობის ლანჩ მენიუს, რომელთა მირთმევის შემთხვევაშიც თქვენი ყოველკვირეული რაციონი ჯანსაღი და სასარგებლო იქნება.
- დამუშავებული ხორცი უფრო ადვილად მოსანელებელია, ამიტომ სასურველია თუ ლანჩზე ხორცს სწორედ ამ ფორმით მიირთმევთ. უზეთოდ, ორთქლზე მომზადებული კოტლეტი ამ შემთხვევაში საუკეთესო არჩევანია. ხორცი წარმოადგენს სრულფასოვანი ცილების, ცხიმების, B ჯგუფის ვიტამინებისა და მინერალური ნივთიერებების უმნიშვნელოვანეს წყაროს. სწორედ ამიტომ მნიშვნელოვანია ხორცის რეგულარული მიღება.
- ქათმის ქაბაბი და წიწიბურა საუკეთესო დუეტია ლანჩზე. ქათმის ხორცი საქონლის ხორცთან შედარებით მეტ ცილას შეიცავს (ქათმის ხორცში ცილები 19,5%-ია, საქონლის ხორცში კი 13%) და მას ადამიანის ორგანიზმი უფრო ადვილად ითვისებს, ამიტომ ქათმის ხორცი შეიძლება სხვა ხორცზე უფრო ხშირად და მეტი ოდენობით მიირთვათ. რაც შეეხება წიწიბურას, ის ამაღლებს განწყობას. მოხარშული წიწიბურა ასტიმულირებს ტვინის მუშაობას დ ახელს უწყობს ფსიქოემოციური გამძლეობის ამაღლებას.
- წვნიანი კვების რაციონის შემადგენელი აუცილებელი ნაწილია. ის საჭმლის მომნელებელი სისტემის გამართულ ფუნქციონირებას უწყობს ხელს. არ ბერავს და არ იწვევს მუცლის ტკივილს. სუპის კიდევ ერთი დიდი უპირატესობა ისაა, რომ წვნიანის მომზადების დროს ბოსტნეული მის შემადგენლობაში არსებულ ვიტამინებსა და მინერალებს მაქსიმალურად ინარჩუნებს. Mr.Cook-ში ყოველდღიურად სხვადასხვა სახის სუპის მირთმევას შეძლებთ.
- ღომი სულგუნითა და ნიგვზიანი ხარჩოთი ლანჩზე კარგად დაგანაყრებთ და ამავდროულად საჭირო მინერალებითაც აივსებით. სიმინდის მარცვლები შეიცავს წყალს, ცილოვან ნივთიერებებს, სახამებელს, ცხიმს, ნაცარს, ეთერზეთებს, ქლოროფილს, C, K, B1, B2, B6, D და E ვიტამინებს. სწორედ ამიტომ კარგია თუ ღომს ან უზეთოდ მომზადებულ მჭადს კვირაში ერთხელ მაინც მიირთმევთ. ნიგოზი ტვინის გამართულ მუშაობას უწყობს ხელს. მასში შემავალი ომეგა-3 და ცხიმოვანი მჟავები ტვინის უჯრედების ფორმირებაში არიან ჩართულნი, ამიტომ ნიგვზით მომზადებული კერძების ზომიერად მირთმევა მეტად სასარგებლოა.
- თევზი განსაკუთრებით მაღალი კვებითი ღირებულების სასურსათო პროდუქტია, რომე-ლიც ცილების, ცხიმების, ვიტამინების, მინერალური ნივთიერებებისა და წყლის დაბა-ლანსებული შემცველობით ხასიათდება. მისთვის საუკეთესო გარნირია ბრინჯი. ასევე კარგად ეხამება წითელი კომბოსტოს სალათა. წითელ კომბოსტოში კი თეთრთან შედარებით მეტი სასარგებლო ნივთიერებები და ვიტამინებია: კალიუმი, მაგნიუმი, რკინა, ფიტონციდები, ფერმენტები, ცილები და ბოჭკოვანები.
- ხორცი, კარტოფილი, პომიდორი, ყველი, კვერცხი - ეს ერთ-ერთი საუკეთესო მიქსია, რაც სადილზე შეიძლება მიირთვათ. კარტოფილი ხელს უწყობს სისხლში ქოლესტერინის დონის შემცირებასა და ხელს უშლის ქოლესტერინის საცობების წარმოქმნას სისხლძარღვების კედლებზე. სწორედ ამიტომ ქოლესტერინის მაღალი შემცველობის პროდუქტების მიღების პარალელურად, მნიშვნელოვანია რომ მიირთვათ კარტოფილიც.
შედარებით მძიმე ლანჩის მოყვარულებს შეგიძლიათ სტეიკი და მექსიკური კარტოფილი მიირთვათ. ეს არის კლასიკური კომბინაცია ხორცით მომზადებული კერძების მოყვარულებისთვის. Mr.Cook-ში დაგხვდებათ, როგორც ქათმის, ისე ღორის ხორცის სტეიკი.
