სხვადასხვა ქვეყნის მავნე საკვები - მკურნალი.გე

რუბრიკები

ოჯახის მკურნალის ანონსი

ნოემბერი 2020

სხვადასხვა ქვეყნის მავნე საკვები

სხვადასხვა ქვეყნის მავნე საკვები
ჩვენ მოგვწონს იაპონელების, იტალიელებისა და ფრანგების კვების რეჟიმი, თუმცა მათაც აქვთ ჯანმრთელობისთვის მავნე კვების ჩვევები.

ინგლისელები მიირთმევენ ბეკონს:

ინგლისელების საუზმე მხოლოდ შვრიის ფაფა როდია. დილაობით ბრიტანელები ჭამენ შემწვარ კვერცხს ბეკონით ან სოსისით. მასთან ერთად მიირთმევენ ჯემიან ნამცხვარს, ფორთოხლის წვენს, ჩაის ან ყავას. ამგვარი საუზმე შეიცავს ბევრ კალორიასა და ცხიმს. ამასთან, არ არის ხილი და ბოსტნეული, რაც ცოტა უჯრედისის მანიშნებელია. ეს უკანასკნელი კი აუცილებელია ნაწლავის მუშაობისთვის. ძეხვი გემრიელია, მაგრამ ყოველდღიურად მისი მიღება არაა მიზანშეწონილი. მეცნიერებმა დაამტკიცეს, რომ გადამუშავებული ხორცის სისტემატურად მიღება კოლორექტალური
სიმსივნის განვითარებას პროვოცირებს.

ფრანგები ბევრ ღვინოს მიირთმევენ:

ფრანგები სადილზე და ვახშამზე ღებულობენ ბოკალ ღვინოს. მიჩნეულია, რომ წითელი ღვინო იცავს ორგანიზმს გულსისხლძარღვთა სისტემის დაავადებებისაგან. ამის მიზეზი რესვერატროლი - ყურძენში არსებული ანტიოქსიდანტია. სასმლის მოყვარულები ამტკიცებენ, რომ წითელი ღვინო შედის ხმელთაშუაზღვის დიეტის შემადგენლობაში, რაც არასწორია.

ალკოჰოლი ორგანიზმში იჟანგება,
რის გამოც თავისუფალი რადიკალები წარმოიქმნება, რომლებიც ადრეული ნაოჭების გაჩენის პროვოცირებას იწვევს და ზრდის ღვიძლის, საყლაპავისა და სწორი ნაწლავის კიბოს განვითარების რისკს. მეცნიერებმა ჯერ კიდევ ვერ გამოიკვლიეს როგორ მოქმედებს რესვერატროლი ადამიანებზე. ფრანგებს შველის მხოლოდ ჯანსაღი კვების მოდელი, რეჟიმი და მცირე ულუფები. აქ თითქმის არ მიირთმევენ ფასტფუდს, სამაგიეროდ იყენებენ ხილს, ბოსტნეულს, მწვანილს, ლობიოს, ყავისფერ ბრინჯსა და თევზს.

იაპონელები უმ თევზს მიირთმევდნენ:

სუში, საშიმი და როლი უმი თევზისგან, კალმარებისა და რვაფეხასგან მზადდება. ხშირად მასში შეიძლება ჭიის კვერცხები აღმოჩნდეს.

ინდუსები თითქმის არ იღებენ ხორცს:

ინდოეთში ძროხა წმინდა ცხოველადაა აღიარებული, ამიტომ ძროხის ხორცს არ მიირთმევენ. ხორცის პროდუქტებს მხოლოდ გარკვეული, დაბალი კასტის ადამიანები იღებენ. დანარჩენები იკვებებიან ხორბლით, ბრინჯით, პარკოსნებითა და ბოსტნეულით. მცენარეული საკვები მდიდარია ვიტამინებითა და საკვები ბოჭკოებით, მაგრამ ცილასა და რკინაზე მოთხოვნილებას ვერ ფარავს. რკინის გარეშე ორგანიზმი ვერ გამოიმუშავებს ჰემოგლობინს, რომელიც აუცილებელია უჯრედებში ჟანგბადის გადასატანად. ცილის გარეშე ძნელია ჰორმონების შექმნა. ამიტომ ბევრს უვითარდება ანემია და საკვები ნივთიერებების დეფიციტი.


ბელგიელები კარტოფილ ფრის მიირთმევენ:

ამაყობენ და ნაციონალურ კერძად მიიჩნევენ, რადგანაც ამგვარად კარტოფილის შეწვა ბელგიელებმა მოიგონეს. კვლევებით დადასტურებულია, რომ შემწვარი კარტოფილი ნაადრევი სიკვდილის რისკს ორჯერ ზრდის.

გასუფთავების შემდეგ კარტოფილი კარგავს ვიტამინებს, რომელსაც კანი შეიცავს. წვის პროცესი ზრდის გლიკემიურ ინდექსს, ხოლო ზეთი ცხიმიანობასა და კალორიულობას.

სხვათა შორის, ბელგია ჩეხეთთან, არგენტინასა და სხვა ქვეყნებთან ერთად არაჯანსაღად მკვებავი ქვეყნების ათეულში შედის.

გასინჯეთ მსოფლიოს სხვადასხვა სამზარეულოს კერძები და მიიღეთ საუკეთესო:

ფრანგები ამზადებენ ახალი, ნატურალური პროდუქტებისგან, ამიტომ სხვებზე ნაკლებად ავადობენ. იაპონელები ყველა კერძს უმატებენ ბოსტნეულს და ბევრ ვიტამინს ღებულობენ. ბრიტანელები ხარშავენ სასარგებლო შვრიას და ენერგიით იმუხტებიან, ხოლო ინდოეთში სუნელებს - კარისა და წიწაკას იყენებენ, რაც კერძს მარილის დამატების გარეშე უფრო გემრიელს ხდის.

მიირთვით ყველაფერი, მაგრამ ზომიერად და მიიღეთ სიამოვნება ჯანსაღი საკვებისგან.

ლალი ჩხიკვაძე
გააკეთეთ კომენტარი
კომენტარი არ გაკეთებულა
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ორაგული ყველა ადამიანის საკვები რაციონის აუცილებელი ნაწილი უნდა იყოს. თევზი რომ სასარგებლო
ადრეული კვლევებით დადასტურებულია, რომ მარილის სიჭარბე ორგანიზმში
წონის კლება იოლი არ არის. თანამედროვე ცხოვრების არანორმალური რიტმიდან გამომდინარე ადამიანებმა მიმართეს
სპეციალისტებმა გაარკვიეს, როგორ გამომუშავდება ორგანიზმში დღეგრძელობის ცილა. ამისათვის თურმე
იაპონელი მეცნიერების აზრით, კვირაში სამჯერ სოკოს მიღება, პროსტატის კიბოს განვითარების
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად