წონის მატების თავიდან ასაცილებლად დღეში ერთი მუჭი ეს პროდუქტი მიირთვით

შუახნის ასაკში წონის მატების თავიდან აცილება დღეში ერთი პეშვი ნიგვზის ან 1 სუფრის კოვზი არაქისის კარაქის მიღებით შესაძლებელია. არაქისი, ნიგოზი, თხილი ასევე ახდენენ სიმსუქნესთან დაკავშირებული გულის დაავადებებისა და დიაბეტის პრევენციას.

ნიგოზი მდიდარია უჯერი ცხიმებით, რომლებიც კარგად ანაყრებს, სისხლში შაქრის, ინსულინისა და ქოლესტერინის უკეთ კონტროლირების საშუალებას იძლევა. ნოგოზში ასევე ბევრია უჯრედისი, ცილა, ვიტამინები, მინერალური ნივთიერებები, მათ შორის ფოლიუმის მჟავა, Е ვიტამინი, კალიუმი და მაგნიუმი.

ზრდასრულ ასაკში ადამიანი წელიწადში დაახლოებით ნახევარ კილოს იმატებს. 20 წლის განმავლობაში ეს წონის მნიშვნელოვანი მატებით გამოიხატება. ხშირად ეს არასწორი კვების და ნივთიერებათა ცვლის შენელებასთანაა დაკავშირებული. დამუშავებული ხორცის პროდუქტების, წითელი ხორცის, კარტოფილი ფრის და ტკბილი პროდუქტების ნიგვზით ჩანაცვლებით შეიძლება ჯანმრთელობის შენარჩუნება და წონის მატების შეფერხება.
დამოუკიდებელმა კვლევამ აჩვენა, რომ ნიგოზი სელენის ყველაზე ძვირფასი წყაროა. სელენი კი ის მინერალია, რომელთანაც დაკავშირებულია ინსულინსა და შაქარზე ორგანიზმის რეაქცია.

ლალი ჩხიკვაძე