5 პროდუქტი, რომელიც მაღალ წნევასთან ბრძოლაში დაგეხმარებათ
გთავაზობთ 5 პროდუქტს, რომელთა საკვებ რაციონში ჩართვაც დაგეხმარებათ არტერიული წნევის დაბალანსებაში.
კარტოფილი - განსაკუთრებით სასარგებლოა კანიანად მოხარშული. ის მდიდარია კალიუმითა და მაგნიუმით, რომლებიც წნევის ნორმალიზებას უწყობს ხელს.
რძე და რძის ნაწარმი - საკვებ რაციონში რძის ნაწარმის რეგულარულად ჩართვა არტერიული ჰიპერტენზიის განვითარების რისკს 11 %-ით ამცირებს. სასურველია დილა რძეზე მომზადებული ფაფით დაიწყოთ ან კიდევ ერთი ჭიქა რძე დალიოთ.
კაკაო - ავსტრალიელმა მკვლევარებმა აჩვენეს, რომ კაკაოს ნატურალური ფხვნილის შემცველი პროდუქტები აქვეითებს არტერიულ წნევას, რადგანაც ფლავონოიდები აუმჯობესებს სისხლძარღვთა მდგომარეობას; ჰარვარდში შეისწავლეს შავი (მწარე) შოკოლადის თვისებები. აღმოჩნდა, რომ ისიც სასარგებლოა მაღალი არტერიული წნევით შეწუხებულთათვის.
ლობიო - პარკოსნები, საზოგადოდ, მდიდარია უჯრედისით, კალიუმითა და მაგნიუმით, რომლებიც უზრუნველყოფს არტერიული წნევის ოპტიმალურ დონეს. ასე რომ რეგულარულად ჩართეთ ისინი საკვებ რაციონში.
ბანანი - კალიუმის საუკეთესო წყაროა. ასე რომ მაღალი არტერიული წნევის საპროფილაქტიკოდ ის ყოვედღიურად მიირთვით.
თინათინ გოცაძე