ექსპერტებმა მავნე პროდუქტთა სია გამოაქვეყნეს
სიის პირველ რიგებშია იაფფასიანი ძეხვეული და სოსისი. რაც უფრო იაფია ეს პროდუქტები, მით ნაკლებია მათში ხორცი და მით მეტადაა ისინი გაჯერებული ჯანმრთელობისთვის საზიანო ნივთიერებებით.
სიაშია აგრეთვე ნახევარფაბრიკატები და კონსერვები. ექსპერტთა განცხადებით, ამ პროდუქტებში, ჩვეულებრივ, ტრანსცხიმები და ფოსფატებია დამატებული. იაფფასიანი მასალისაგან დამზადებულ კონსერვის ქილებში კი მძიმე მეტალების გამოლექვის მაღალი ალბათობაა, შესაბამისად, ამ ქილებში შენახული თევზი მეტად მავნებელია ადამიანის ორგანიზმისთვის.
დიეტოლოგები არც იაფი ყველეულის ჭამას გვირჩევენ, რადგან მათი უმრავლესობა რძის ნაცვლად, მარგარინს შეიცავს. ეს კი შესაძლოა ნეგატიურად აისახოს გულ-სისხლძარღვთა სისტემის ჯანმრთელობაზე. ამგვარად, მოერიდეთ მავნე პროდუქტებს, მიირთვით ჯანსაღი საკვები, მეტი ხილი და ბოსტნეული!
თინათინ გოცაძე