რატომ უნდა შეიყვაროთ ჭარხალი და კომბოსტო

ჭარხალი და კომბოსტო ორგანიზმის გამწმენდი უნიკალური საშუალებებია. წითელი ჭარხალი შეიცავს უჯრედისს, ფოსფორს, სპილენძს, ვიტამინ C და სხვადასხვა ორგანულ მჟავას, რომლებიც აუმჯობესებს საკვების გადაადგილებას ნაწლავებში და ანადგურებს მავნე ბაქტერიებს.

ჭარხალში უხვადაა ლიპოტროპული ნივთიერება "ბეტაინი", რომელიც ღვიძლს აიძულებს ტოქსინებისგან უკეთ გათავისუფლებას. ჭარხალი აახალგაზრდავებს ორგანიზმს ფოლიუმის მჟავასა (ხელს უწყობს უჯრედთა განახლებას) და მინერალების (აუმჯობესებს კანის, ფრჩხილებისა და თმის მდგომარეობას) წყალობით.

ჭარხალი შეგიძლიათ მიირთვათ მოხარშული და უმი სახით, დალიოთ მისი წვენი ან ნახარში.

რაც შეეხება თეთრთავა კომბოსტოს, ის შეიცავს დიდი რაოდენობით საკვებ ბოჭკოებს, რომლებიც ბოჭავს მძიმე მეტალებს და ტოქსინებს და გამოდევნის ნაწლავებიდან. კომბოსტო მდიდარია ორგანული მჟავებით, რომლებიც აუმჯობესებს საჭმლის მონელებას და ნაწლავთა მიკროფლორის ნორმალიზებას განაპირობებს.

კომბოსტოში უხვადა იშვიათი ვიტამინი U, რომელიც ანეიტრალებს ორგანიზმისთვის საშიშ ქიმიურ ნაერთებს, მონაწილეობს ვიტამინების სინთეზში, ახორცებს წყლულებს.

კომბოსტო შეგიძლიათ მიირთვათ უმი, დამწნილებულ-დამჟავებული სახით, დალიოთ მისი წვენი.

თინათინ გოცაძე