რატომ უნდა მიირთვათ ბადრიჯანი
გაითვალისწინეთ, რომ ბადრიჯანი მდიდარია სხვადასხვა საკვები ნივთიერებებით, კერძოდ, უჯრედისით, ვიტამინებითა და მინერალებით. გარდა ამისა ის დაბალკალორიული პროდუქტია. 100 გრამი ბოსტნეული შეიცავს 25 კკალ-ს, 3 გრ უჯრედისს, 1 გრ ცილას, 5 % კალიუმს, ვიტამინებიდან კი უხვად შეიცავს C და K ვიტამინებს. მასში ბევრი ანტიოქსიდანტია.
ბადრიჯანი გვიცავს ონკოლოგიური დაავადებებისა და გულ-სისხლძარღვთა პათოლოგიების განვითარებისაგან. დასახელებულ ბოსტნეულში შედის შენაერთი SRG, რომელიც ანადგურებს ონკოუჯრედებს. ბადრიჯნის მოყვარულებს ქოლესტერინის დაბალი დონე აღენიშნებათ სისხლში და გულიც ჯანსაღი აქვთ.
ჭარბი წონის მქონე პირებს სპეციალისტები ბადრიჯნის დიეტას ურჩევენ. ეს არ ნიშნავს დღეობით მხოლოდ ბადრიჯნის ჭამას, ის უბრალოდ ყოველდღიურად უნდა დაამატოთ კერძებს და დღეში ორჯერ მაინც მიირთვათ.
ბადრიჯნის საკვებად გამოყენებისას ადამიანი კარგად ნაყრდება, იღებს ორგანიზმისთვის სასარგებლო ნივთიერებებს მცირე კალორიებით. ასე რომ შეიყვარეთ ეს ბოსტნეული!
თინათინ გოცაძე