"სამხედრო დიეტა" - სწრაფად გახდომის საშუალება, მრავალი კითხვის ნიშნით

ეს ახალი ტრენდია დიეტოლოგიაში. დიეტის თანახმად, სამი დღის განმავლობაში ადამიანმა უნდა მიიღოს მხოლოდ კვერცხი, თინუსი, გრეიპფრუტი და ნიახური. სასმელებიდან ყავა და ჩაი. რაციონის ავტორები გვპირდებიან, რომ ამ გზით კვირაში დაახლოებით 5 კილოს დაკლებაა შესაძლებელი, რაც სავსებით რეალურია.

წონის კლება ხდება კალორიულობის შემცირების (1200 კალორია) და რაციონის ცილებით გაჯერების ხარჯზე. ამასთან, მცირდება ნახშირწყლებისა და ცხიმების პროცენტი. სამდღიანი დიეტის შემდეგ კვირის ბოლომდე შესაძლებელია ჯანსაღ კვებაზე გადასვლა კალორიულობის კონტროლის გარეშე. შემდგომში ციკლი მეორდება, ვიდრე არ იქნება მიღწეული სასურველი შედეგი.

კვირაში 1 კგ-ს დაკლება ჯანმრთელობისთვის უსაფრთხოა, მაგრამ ცხიმოვან შრეს ადამიანი სამ დღეში ვერ შეამცირებს. მოხდება წყლისა და კუნთის მოცულობის შემცირება, რაც იმას ნიშნავს, რომ დიეტის შემდეგ წონის მატების რისკი იქნება მაღალი.

სპეციალისტები ასევე გვაფრთხილებენ, რომ რაციონის შემცირების შედეგად შეიძლება ნივთიერებების მნიშვნელოვანი დეფიციტი განვითარდეს. კერძოდ, უჯრედისის, რკინის, კალციუმის. გარდა ამისა, ამგვარი რაციონი შეიძლება საშიში აღმოჩნდეს დაბალი წნევის და ანემიის მქონე პირებისთვის.

ლალი ჩხიკვაძე