რატომ არის რთული გახდომა სწორი კვების დროსაც კი

ითვლება, რომ სასარგებლო პროდუქტები ცალსახად ხელს უწყობს გახდომას. მაგრამ პრაქტიკულად ეს ყოველთვის ასე არ არის. არსებობს სასარგებლო პროდუქტები, რომლებიც მადას აძლიერებს, რაც წონის დაქვეითებას მნიშვნელოვნად ართულებს. კერძოდ, ასეთ პროდუქტებს მიეკუთვნება სალათები და მწვანილი.

სრულფასოვანი სადილის მსუბუქი სალათით შეცვლა ორგანიზმზე დადებითად არ მოქმედებს. წონის დასაკლებად სალათის მირთმევა საჭიროა ბურღულეულის გარნირთან, თევზთან ან ხორცთან ერთად. მხოლოდ ბოსტნეულის მიღებით შიმშილი მალევე შეგვაწუხებს და ზედმეტი წახემსება მოგვიწიევს.

პურეული არ არის საუკეთესო არჩევანი დიდი რაოდენობით ნახშირწყლების შემცველობის გამო. იგივე მიზეზით მავნებელია სიმინდის ბურბუშელა. ისინი ძალიან კალორიულია, ამძაფრებს შიმშილის გრძნობას და იწვევს ნაყროვანებას. დიეტოლოგები ბურბუშელას შვრიის ფაფით ჩანაცვლებას გვირჩევენ (მაგრამ არა სწრაფი მომზადების).

საუზმეზე ხილის მირთმევაც კითხვის ნიშნის ქვეშ დგება. მშიერ კუჭზე ხილის მირთმევა იწვევს კუჭის წვენი მჟავიანობის მომატებას, რაც შიმშილის ძლიერი შეტევის პროვოცირებას იწვევს. იგივე სიტუაციაა ხილის სმუზთან დაკავშირებით. ძნელია წონის დაკლება რაციონში მზა ხილის იოგურტების შეტანისას. მასში ბევრი შაქარი და სხვა მავნე დანამატებია. იოგურტზე სასარგებლოა მაწონი.

ლალი ჩხიკვაძე