ცნობილია, რომ ღამით მძიმე საკვების მიღება მავნებელია, მაგრამ ექიმები ცარიელი კუჭით დაძინებასაც არ გვირჩევენ. ძლიერი შიმშილის გრძნობით გაღვიძებისას, ადამიანმა შეიძლება იმაზე მეტი შეჭამოს, რაც დანაყრებისთვისაა საჭირო. ეს კი წონის მატებას გვიქადის. დიეტოლოგებმა გამოყვეს პროდუქტები, რომელთა საღამოს მიღება არა მარტო შეიძლება, არამედ საჭიროცაა.

საუბარია პროდუქტებზე, რომლებიც ძალიან არ დატვირთავს საჭმლის მომნელებელ სისტემას, შეიცავს ცილებს და მცირე რაოდენობით რთულ ნახშირწყლებს. მაგალითისთვის, დიეტოლოგები გვირჩევენ ყურადღება მიავაქციოთ მისო სუპს ან სოიოს ნებისმიერ პასტას. ეს პრაქტიკულად სრულად ცილოვანი კერძია, რომელიც ნელნელა შეიწოვება და შიმშილი დიდი ხანი აღარ შეგვაწუხებს.

ტოფუ, ბოლოკი, კრევეტები იდეალურია ვახშმისთვის. მათი გადასამუშავებელი ენერგეტიკული დანახარჯები, კალორიულ ღირებულებას აღემატება, რაც დაგვეხმარება ძილის დროს წონაში დაკლებაში.

ანალოგიური ეფექტი აქვს ქათმის კვერცხს სალათის ფურცლებთან ან რომელიმე სხვა ბოსტნეულთან ერთად. დიეტოლოგები საღამოს, ისევე, როგორც დღის ნებისმიერ მონაკვეთში გვრთავენ იოგურტის, კეფირის, ყველის, კიტრის, ყაბაყის, კომბოსტოს მიღების ნებას.

ლალი ჩხიკვაძე