რა მივირთვათ, რომ ზაფხულის სიცხემ არ შეგვაწუხოს - მკურნალი.გე

რუბრიკები

ოჯახის მკურნალის ანონსი

რა მივირთვათ, რომ ზაფხულის სიცხემ არ შეგვაწუხოს

რა მივირთვათ, რომ ზაფხულის სიცხემ არ შეგვაწუხოს
ზაფხულში ზოგს მადა უქვეითდება, რაც სრულიად ნორმალურია. საკვების მონელებაზე საკმაოდ დიდი ენერგია იხარჯება და ამ პროცესის გვერდითი ეფექტი სხეულის ტემპერატურის მომატებაა.

სიცხეში ორგანიზმი ცდილობს დაიცვას თავი გადახურებისგან, ამიტომაც ქვეითდება მადა - ნაკლებ საჭმელს ვღებულობთ და ნაკლები საკვების გადამუშავებაა საჭირო. თუმცა, სრულფასოვანი კვება მაშინაც კი საჭიროა, როცა ამის სურვილი არ გვაქვს, რამეთუ ორგანიზმისთვის მნიშვნელოვანია აუცილებელი საკვები ნივთიერებებისა და მიკროელმენტების რეგულარული მიღება.

შეარჩიეთ „წყლიანი“ საკვები

გვგონია, რომ ცხელ ამინდში შეიძლება შემოვიფარგლოთ საკვების მცირე ულუფით, ხოლო ცარიელი კუჭი შევავსოთ წყლითა და სხვა სასმელით. თუმცა
კვლევები აჩვენებს, რომ სიმაძღრის შეგრძნებას იძლევა მხოლოდ საკმარისი რაოდენობის საკვები. საქმე ისაა, რომ შიმშილისა და წყურვილის გრძნობას ორგანიზმი არეგულირებს სხვადასხვა მექანიზმის საშუალებით. მაშინაც კი, როდესაც 1,5 ლ წყალს ვღებულობთ, ეს დანაყრების შეგრძნებას არ იძლევა.

საკვებად მიიღეთ სუპი, ბოსტნეულის სალათი. ბულიონის ან ბოსტნეულის საშულებით, რომელშიც ბევრი
სითხეა, გაიზრდება ულუფის მოცულობა, რაც დანაყრებას უზრუნველყოფს. ამასთან, კერძების კალორიულობაც არ იზრდება და ორგანიზმსაც აღარ სჭირდება ბევრი ენერგია საკვების გადასამუშავებლად.

შეზღუდეთ რაციონში ხორცი

ხორცი საერთოდ არ მიესადაგება საზაფხულო ტრაპეზს. ცილით მდიდარი საკვების გადასამუშავებლად ორგანიზმი ყველაზე მეტ ენერგიას ხარჯავს, რაც ნიშნავს იმას, რომ მწვადის ულუფის მირთმევის შემდეგ უფრო გაგიძნელდებათ ტემპერატურის ატანა. ასე რომ, ზაფხულის მზიან დღეებში ალბათ ღირს ვეგეტარიანულ საკვებზე გადასვლა. თუ მაინცდამაინც ვერ ძლებთ მწვადი გარეშე, შეწვის წინ მოათავსეთ ხორცი ციტრუსის ან ძმრის მარინადში. მასში შემავალი მჟავები ნაწილობრივ შლის ცილის ბოჭკოებს და მწვადის გადამუშავება უფრო იოლი იქნება.

უარი თქვით ნაყინზე

ნაყინის ან ყინულიანი სასმელის მიღების შემდეგ მცირე დროის მანძილზე მართლაც იგრძნობთ შვებას. მაგრამ ორგანიზმი იწყებს მიღებული საკვების გადამუშავებას სხეულის ტემპერატურის მატების ხარჯზე. გასაგრილებლად უმჯობესია დალიოთ ოთახის ტემპერატურის წყალი.

დალიეთ ჩაი

მიირთვით ჩაი, ოღონდ არა გაციებული, არამედ ჩვეულებრივი ცხელი ჩაი. ცხელი სასმელი დამატებით აცხელებს სხეულს შიგნიდან და ადამიანი უფრო მეტად იოფლება. თანდათანობით გამოყოფილი ოფლი ორთქლდება და ორგანიზმი კარგავს სითბოს - სხეულის ტემპერატურა ქვეითდება და სიცხის გადატანა უფრო ადვილი ხდება.

მიირთვით საზამთრო

ცხელ ზაფხულში ბევრი გადადის საზამთროს დიეტაზე. ცხადია საზამთრო სრულფასოვან რაციონს ვერ შეცვლის, რადგანაც მასში პრაქტიკულად არ არის ცილები და ცხიმები, მაგრამ საზამთრო მხოლოდ წყალი და შაქარი როდია. მასში ბევრია სასრგებლო ნივთიერებები: А, С, В1 და В6 ვიტამინები, კალიუმი, ანტიოქსიდანტი ლიკოპინი, რომელიც კიბოს პროფილაქტიკაში გვეხმარება და იმუნიტეტის მუშაობას ასტიმულირებს. ამასთან, საზამთროში, მიუხედავად ტკბილი გემოსი, არც ისე ბევრი კალორიაა. ამ პროდუქტის 100 გრამი შეიცავს მხოლოდ 30 კკალ. საზამთრო აკმაყოფილებს როგორც შიმშილის, ისე წყურვილის გრძნობას.

ლალი ჩხიკვაძე

გააკეთეთ კომენტარი
კომენტარი არ გაკეთებულა
მსგავსი სიახლეები
ზაფხულის პაპანაქება სიცხეში ძალიან ძნელია საჭესთან საათობით ჯდომა და მანქანის მართვა, მით უფრო შორ გზაზე,
29-08-2019
ცხელ ამინდში ალკოჰოლის მიღებამ (ცივი სახითაც კი) შეიძლება სხეულის თერმორეგულაციის დარღვევა გამოიწვიოს
30-07-2019
საზამთრო: საზამთრო ბევრს უყვარს, თუმცა ყველამ როდი იცის, რომ მას "ნატურალურ ვიაგრას" უწოდებენ. მისი ნაყოფი
26-07-2019
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
კუნთოვანი ბოჭკოების ზრდისათვის აუცილებელია ცილები და ამინმჟავები. არსებობს პროდუქტები, რომლებიც
სიმსუქნისას, სხეულის მასის 5%-იანი კლებაც კი გააუმჯობესებს ჯანმრთელობის მდგომარეობას,
ნავარას უნივერსიტეტის მეცნიერები აღნიშნავენ, რომ კვების ულტრადამუშავებული პროდუქტები ნაადრევ უჯრედულ დაბერებას იწვევენ.
ორსულის ან მეძუძური დედის მიერ დიდი რაოდენობით ფრუქტოზის მოხმარების შემთხვევაში,
ვაშლი ყველასთვის ნაჩვენები არ არის. იგი დიდი რაოდენობით შეიცავს რკინას,
ამერიკელი ექიმები ცარიელი კუჭით დაძინებას არ გვირჩევენ. ისინი ასახელებენ იმ პროდუქტებს,
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად