მეცნიერებმა დაასახელეს საკვები პროდუქტი, რომელიც სასარგებლო ფიტონუტრიენტების უნიკალური წყაროა, ფლობს ანთების საწინააღმდეგო, ანტიოქსიდანტურ და სიმსივნის საწინააღმდეგო თვისებებს. ეს პროდუქტი კიტრია!

სპეციალური კვლევებით დადასტურდა, რომ კიტრი ორგანიზმისთვის ბევრად უფრო სასარგებლოა, ვიდრე ეს აქამდე გვეგონა. ფიტონუტრიენტების (რომელთა შორის აღსანიშნავია ტრიტერპენები, ლიგნანები და ფლავონოიდები) გარდა, კიტრი შეიცავს იმუნური სისტემის ნორმალური ფუნქციობისთვის საჭირო მიკროელემენტებს.

იმუნიტეტი უმჯობესდება ბეტა-კაროტინის ზემოქმედებით, რომელსაც კიტრი უხვად შეიცავს, გარდა ამისა, ეს ბოსტნეული მდიდარია საჭმლის მომნელებელი ტრაქტისათვის მეტად სასარგებლო და აუცილებელი უჯრედისით, – განმარტავენ მკვლევარები.

რაც შეეხება ფიტონუტრიენტებს, მათ შორის აღსანიშნავია კუკურბიტაცინები. ეს გახლავთ ტეტრაციკლური ტრიტერპენოიდები, რომლებიც კიტრის დაბოლოებებს მომწარო გემოს ანიჭებს. მთლიანობაში კიტრი სასარგებლო ნივთიერებებით გაჯერებული ბოსტნეულია, არაალერგიული პროდუქტი, ამიტომაც ის ყველამ უნდა მიირთვას, იმისათვის მაინც, რომ განიმტკიცოს ძვლოვანი ქსოვილი და გაიუმჯობესოს მხედველობა - გვირჩევენ ექსპერტები.

თინათინ გოცაძე