ყაბაყი - მკურნალი.გე

რუბრიკები

ოჯახის მკურნალის ანონსი

ნოემბერი 2020

კითხვა-პასუხი

ყაბაყი

ყაბაყი
ყაბაყი ჩვენში ძალზე პოპულარული სულაც არ არის, თუმცა სულ უფრო ხშირად გამოიყენება ადგილობრივ კერძებში. ჩინური სამზარეულოსთვის კი ყაბაყი შეუცვლელი ინგრედიენტია. გოგრის ეს ბუჩქოვანი ნაირსახეობა წარმოშობით მექსიკიდანაა; ადგილობრივ ინდიელებს ის ჩვენს ერამდე ბევრად ადრე ჰქონდათ კულტივირებული.

ყაბაყის ფორმა მოგრძოა, ფერი კი სახეობებზეა დამოკიდებული: ხან ყვითელია, ხან თეთრი, ხანაც კი მწვანე.

ყაბაყის ყველაზე დიდი სარგებლიანობა ის გახლავთ, რომ ის ნებისმიერი სახით დადებითად მოქმედებს საჭმლის მომნელებელი სისტემის მუშაობაზე და ეხმარება კანის სიჯანსაღეს.

როგორ მოვამზადოთ ყაბაყის დიეტური პიცა - ნახეთ gemrielia.ge-ს გემრიელი და სასრგებლო რეცეპტი


ნიშანდობლივია, რომ ყველა სახეობის ყაბაყი ერთნაირი შემადგენლობისაა.

დაბალკალორიულობის გამო ყაბაყი დიეტურ პროდუქტად მიიჩნევა. როგორი გასაკვირიც უნდა იყოს, ამ საკმაოდ მკვრივი ბოსტნეულის 95% ჩვეულებრივი წყალია, დანარჩენი ნაწილი კი - ცილები და ნახშირწყლები. ყაბაყი საუკეთესოა წონის კლების პროცესშიც. ის საკვების მიღების შემდეგ ნაყროვანების შეგრძნებას აჩენს და ჭამის
სურვილი ქრება.

გარდა ამისა, ყაბაყი ადამიანის ორგანიზმისთვის აუცილებელ სასარგებლო ნივთიერებებსაც უხვად შეიცავს.

მათ შორისაა: მაგნიუმი, ფოსფორი, კალიუმი, ნატრიუმი, კალციუმი, რკინა, ტიტანი, ლითიუმი, მოლიბდენი, თუთია და სხვა.

კალიუმი ყაბაყში ასჯერ მეტი რაოდენობითაა, ვიდრე, მაგალითად, ნატრიუმი. ეს ორგანიზმში წყლის ბალანსის შენარჩუნებას უწყობს ხელს. ამიტომაც ყაბაყი ორგანიზმს ზედმეტი სითხისგან განთავისუფლებაში აქტიურად ეხმარება.

ყაბაყი ბევრ სასიცოცხლოდ მნიშვნელოვან ვიტამინსაც შეიცავს: პროვიტამინ А-ს (კაროტინს), ნიკოტინმჟავას, В1, В2 და С ვიტამინებს.

ნაზი ცელულოზისა და ორგანული მჟავების სიმცირის წყალობით ყაბაყი კუჭ-ნაწლავის დაავადებების მქონეთათვის შეუცვლელი პროდუქტია. ის საჭმლის მომნელებელ ორგანოებს არ აღიზიანებს. ნახშირწყლების მცირე რაოდენობის გამო ის ფასდაუდებელი საკვებია დიაბეტიანთათვისაც.

გარდა ამისა, ყაბაყი შარდმდენი და ნაღველმდენი თვისებებით გამოირჩევა - ის ეხმარება ორგანიზმიდან ტოქსიკური ნივთიერებების, მათ შორის - ქოლესტერინისა და რადიონუკლიდების გამოდევნას. ამიტომ მისი მიღება მისწრებაა მათთვის, ვისაც თირკმელებისა და ღვიძლის დაავადებები აწუხებს.

ფასდაუდებელია ყაბაყისგან დამზადებული წვენები. ის საჭმლის მომნელებელი ორგანოების დაავადებათა პროფილაქტიკისთვისაც გამოიყენება.

ყაბაყის ყვავილების ნახარში საუკეთესოა კანის დაავადებების სამკურნალოდ. ყაბაყის მიღება აუმჯობესებს სისხლძარღვების მდგომარეობას, ხელს უშლის ათეროსკლეროზის წარმოქმნას და ამშვიდებს ნერვულ სისტემას. ეს განსაკუთრებით საყურადღებოა შუახნის ასაკს გადაცილებული ადამიანებისთვის.

ყაბაყის უნიკალურობა კიდევ ისაა, რომ ის შესანიშნავი დამატენიანებელი თვისებებით გამოირჩევა. ამის გამო აქტიურად გამოიყენება სახის კრემების მთავარ ინგრედიენტად. ყაბაყის რბილობი აახალგაზრდავებს, აუმჯობესებს სახის კანის ფერსა და მიკროცირკულაციას, კანს იცავს ულტრაიისფერი გამოსხივებისგან.


ყაბაყის უკუჩვენებები


ზემოთ ნათქვამია, რომ ყაბაყი უხდება თირკმელების დაავადებებს, მაგრამ მაინც უნდა გვახსოვდეს, რომ თირკმლის უკმარისობისას მისი ჭარბად გამოყენება, ექიმის რჩევის გარეშე, ავადმყოფის მდგომარეობას გააუარესებს. ეს იმიტომ ხდება, რომ ორგანიზმიდან ყაბაყში დიდი რაოდენობით შემავალი კალიუმის გამოდევნის პროცესი ფერხდება.

ასევე, ყურადღებით უნდა იყვნენ საჭმლის მომნელებელი ორგანოების აშლილობის მქონე ადამიანებიც; მართალია, ყაბაყი მათთვის სასარგებლოა, მაგრამ გასტრიტისა და წყლულოვანი დაავადებების დროს უმი ყაბაყის მიღება არასასურველია.

გასათვალისწინებელია, რომ უმი ყაბაყი აღიზიანებს ლორწოვანი გარსის ზედაპირსაც.

ჯანმრთელ ადამიანს ყაბაყის მიღება თავისუფლად შეუძლია, თუ მის მიმართ ინდივიდუალური აუტანლობა არ აქვს.





ყაბაყის კატლეტები შემადგენლობა:

  • 3 ც დიდი ყაბაყი;
  • 1 ც კვერცხი;
  • 2 კბილი ნიორი;
  • 1 კონა კამა;
  • 65 გ ფქვილი;
  • 1 ს.კ. გამაფხვიერებელი;
  • მარილი, პილპილი.

მომზადება:

ყაბაყი გარეცხეთ და კანიანად გახეხეთ, დაუმატეთ კვერცხი, გაჭყლეტილი ნიორი, წვრილად დაჭრილი კამა, ფქვილი, გამაფხვიერებელი, მარილი, პილპილი გემოვნებით. კარგად აურიეთ. მიღებული მასისგან გააკეთეთ მრგვალი ფორმები და შეწვით ზეთიან ტაფაზე ორივე მხრიდან.


სალათა ყაბაყით

შემადგენლობა:

  • 2 ც ყაბაყი;
  • 1 ჭიქა ბრინჯი;
  • 2 ს.კ. ზეთი;
  • 1/2 ჭიქა ქათმის ბულიონი;
  • 1 ს.კ. გამდნარი კარაქი;
  • 1/4 ჭიქა გახეხილი პარმეზანი;
  • მარილი და პილპილი.

მომზადება:

ყაბაყი დავჭრათ, შევწვათ ზეთში, დავამატოთ მოხარშული ბრინჯი, ქათმის ბულიონი, გახეხილი პარმეზანი, დავამატოთ მარილი, პილპილი და კარგად ავურიოთ.


ყაბაყის ბლინები


შემადგენლობა:

  • 2 მოზრდილი ყაბაყი;
  • 2 ც კვერცხი;
  • 1/2 ჭიქა საფანელი;
  • 1 ს.კ. მარილი, შაქარი;
  • ზეთი.

მომზადება:

გარეცხეთ და გაასუფთავეთ ყაბაყი, შემდეგ გახეხეთ მოზრდილ სახეხზე. დატოვეთ რამდენიმე ხნით, რომ გამოუშვას ზედმეტი სითხე. შემდეგ გადაწურეთ და დაუმატეთ კვერცხი და საფანელი, შეაზავეთ მარილით, შაქრით და კარგად აურიეთ. თუ მასა მაინც ზედმეტად თხელია, დაუმატეთ საფანელი და ერთი კვერცხი. გააცხელეთ ტაფა ზეთით, შემდეგ მოზრდილი კოვზით ამოიღეთ მასა და დაასხით ტაფაზე, შეწვით ორივე მხრიდან.
გააკეთეთ კომენტარი
კომენტარი არ გაკეთებულა
მსგავსი სიახლეები
მეცნიერთა განცხადებით, ბადრიჯანი განსაკუთრებულად სასარგებლო პროდუქტია. ის ერთდროულად რამდენიმე დაავადებისგან
25-07-2019
ზაფხულში, როდესაც ტემპერატურა იშვიათად ეცემა 20 გრადუსზე ქვევით, ორგანიზმის გაუწყლოების მიზეზად ხშირად
17-07-2019
მოწევა, შაქრიანი დიაბეტი და მაღალი არტერიული წნევა სერიოზულ საფრთხეს უქმნის ტვინის არტერიებს, ამ უკანასკნელთა
05-04-2019
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ორაგული ყველა ადამიანის საკვები რაციონის აუცილებელი ნაწილი უნდა იყოს. თევზი რომ სასარგებლო
ადრეული კვლევებით დადასტურებულია, რომ მარილის სიჭარბე ორგანიზმში
წონის კლება იოლი არ არის. თანამედროვე ცხოვრების არანორმალური რიტმიდან გამომდინარე ადამიანებმა მიმართეს
სპეციალისტებმა გაარკვიეს, როგორ გამომუშავდება ორგანიზმში დღეგრძელობის ცილა. ამისათვის თურმე
იაპონელი მეცნიერების აზრით, კვირაში სამჯერ სოკოს მიღება, პროსტატის კიბოს განვითარების
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად