რამდენიმე უცნობი ფაქტი ყველზე - მკურნალი.გე

რუბრიკები

ოჯახის მკურნალის ანონსი

რამდენიმე უცნობი ფაქტი ყველზე

რამდენიმე უცნობი ფაქტი ყველზე
ხაჭაპური, ელარჯი, პიცა, ყველის სხვადასხვა სახეობა, ბერძნული სალათი ნაზი ფეტათი-ყველასთვის საყვარელი და სასიამოვნო კერძებია. აღმოჩნდა, რომ ყველი ურთიერთსაწინააღმდეგო გრძნობებს იწვევს. ძირითადად ადამიანებს ის ძალიან უყვართ, მცირე ნაწილი კი ვერ იტანს. ყველის მოწინააღმდეგები უმცირესობაში არიან, თუმცა მათი რაოდენობა შედარებით ბევრია, დაახლოებით 6%. შედარებისთვის მხოლოდ 2,7% არ უყვარს თევზი და 2,4% - ძეხვი და დამუშავებული ხორცი.

ყველი და კარიესი

ცნობილი ფაქტია, რომ რძე კბილებისთვის სასარგებლოა, მასში კალციუმის შემცველობის გამო. კვლევებით დადგინდა, რომ ყველი იცავს კბილებს კარიესისგან, ამ პროდუქტში არსებული ნივთიერებები კბილის მინანქარს
მჟავე გარემოს აგრესიული ზემოქმედებისგან იცავს.

ფეტა გვიხსნის მოწამვლისგან

საკურორტო ქალაქში სადილობისას, მოწამვლის თუ გეშინიათ, შეუკვეთეთ ბერძნული სალათი ფეტათი. ყველი ფეტა უმკლავდება პათოგენურ ბაქტერიებს, რომლებიც საჭმლის მონელების დარღვევას იწვევს.
ფეტა ბერძნული ყველია, რომელსაც თხის რძისგან ამზადებენ. მეცნიერებმა თხის რძეში აღმოაჩინეს სასარგებლო ბაქტერიები, რომელთაც ნაწლავური ინფექციების გამომწვევებთან,
მაგალითად, Listeria, მებრძოლი ანტიბიოტიკების წარმოების უნარი აქვს.

Listeria ბაქტერიები ადამიანის ორგანიზმში შეიძლება მოხვდეს ცუდად შემწვარი ხორცის ან თევზის მიღების შემდეგ. ეს მიკრობები იწვევს სერიოზულ მოწამვლას, რომელიც განსაკუთრებით პატარა ბავშვებში, ხანდაზმულებსა და დაქვეითებული იმუნიტეტის მქონე ადამიანებში შეიძლება სიცოცხლისთვის საშიში აღმოჩნდეს.
ყველის რბილი სახეობები ლისტერიოზის პროფილაქტიკისთვის რეკომენდებულია ორსულებისთვისაც.

ყველი და გული

ექიმები, გულსისხლძარღვთა სისტემის დაავადებებისგან დასაცავად, ნატრიუმის მიღების შეზღუდვისკენ მოგვიწოდებენ. ყველში ეს მიკროელემენტი მაღალი შემცველობითაა წარმოდგენილი, თუმცა მეცნიერების მტკიცებით, ადამიანები, რომლებიც რძის პროდუქტებს ჭარბად მოიხმარენ, ნაკლებად ექვემდებარებიან არტერიული ჰიპერტენზიის რისკს. კვლევების საფუძველზე მეცნიერები მივიდნენ იმ დასკვნამდე, რომ ყველში არსებული ნატრიუმი არ ვნებს გულსა და სისხლძარღვებს. მათი ვარაუდით ცილები და სხვა საკვები ნივთიერებები იცავენ სისხლძარღვებს ნატრიუმის უარყოფითი მოქმედებისგან.

ყველი აძლიერებს იმუნიტეტს

ზოგიერთი სახეობის ყველი შეიცავს პრობიოტიკებს - სასარგებლო ბაქტერიებს. პრობიოტიკები მაწონში, კეფირსა და იოგურტშიცაა, რომელთა მიღებაც რეკომენდებულია საკვების მონელების პროცესის გასაუმჯობესებლად და იმუნიტეტის გასაძლიერებლად. კვლევებმა აჩვენა, რომ ყველი აძლიერებს ხანდაზმული ადამიანების (რომელთა იმუნიტეტიც დაბერების პროცესის გამო დასუსტებულია) დამცველობით ძალებს. ყველის მიღებით იზრდება ლიმფოციტების აქტივობა, რომლებიც ებრძვიან სიმსივნურ და ვირუსებით დასნებოვნებულ უჯრედებს. ასევე იზრდება ლეიკოციტების ფაგოციტური აქტივობა (იმუნური სისტემის უჯრედების უნარი, გაანადგუროს უცხო მიკროორგანიზმები). იმუნური სისტემის გაძლიერებისა და პრობიოტიკების მაღალი შემცველობის თვალსაზრისით გამოიყენეთ ყველი ჩედარი და გაუდა.

ლალი ჩხიკვაძე


გააკეთეთ კომენტარი
კომენტარი არ გაკეთებულა
მსგავსი სიახლეები
კვირაში მინიმუმ სამჯერ ჩაის მიღებით, შეგვიძლია გავიჯანსაღოთ ორგანიზმი და გავიხანგრძლივოთ სიცოცხლე.
04-03-2020
ცუდი სტატისტიკა: მსოფლიოში სიკვდილიანობის 31% გულისა და სისხლძარღვთა სისტემის დარღვევის შედეგია.
10-10-2019
პირის ღრუს დაავადებები - კარიესი, ღრძილების დაავადებები, პირის ღრუს სიმსივნეები - დედამიწის მოსახლეობის თითქმის 50% აღენიშნება
06-09-2019
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
სიმსუქნისას, სხეულის მასის 5%-იანი კლებაც კი გააუმჯობესებს ჯანმრთელობის მდგომარეობას,
ნავარას უნივერსიტეტის მეცნიერები აღნიშნავენ, რომ კვების ულტრადამუშავებული პროდუქტები ნაადრევ უჯრედულ დაბერებას იწვევენ.
ორსულის ან მეძუძური დედის მიერ დიდი რაოდენობით ფრუქტოზის მოხმარების შემთხვევაში,
ვაშლი ყველასთვის ნაჩვენები არ არის. იგი დიდი რაოდენობით შეიცავს რკინას,
ამერიკელი ექიმები ცარიელი კუჭით დაძინებას არ გვირჩევენ. ისინი ასახელებენ იმ პროდუქტებს,
მოგეხსენებათ, ნებისმიერი პროდუქტის კვებითი ღირებულება დიდად არის დამოკიდებული
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად